Makho 8:33 - Siswati 1996 Bible

³³ Kodvwa Jesu waphendvuka wabuka bafundzi, wakhahla Phetro, watsi: “Suka kimi, Sathane! Awukunakekeli lokukwaNkulunkulu, kodvwa unakekela kwebantfu!”

Makho 8:33 Referencias Cruzadas

2 Samuweli 19:22

Davide waphendvula watsi: “Ngihlangana ngani mine nani, nine madvodzana aSeruya? Kantsi lamuhla senigucuke naba titsa tami? Kufanele yini lamuhla kutsi kube khona lobulawako ka-Israyeli? Angati yini kutsi lamuhla ngimi inkhosi yaka-Israyeli?”

Jobe 2:10

Jobe wamphendvula, watsi: “Wena ukhulumisa kwemfati losilima. Kantsi sesitakwemukela lokuhle kodvwa yini kuNkulunkulu, singasakwemukeli lokubuhlungu nalokubi?” Kuko konkhe loku Jobe akazange one ngekukhuluma kwakhe.

Tihlabelelo 141:5

Ngingamane ngijeziswe ngumuntfu lolungile, loko kungumusa kimi; angamane angitsetsise, loko kungemafutsa enhloko yami, kodvwa umkhuleko wami uphambene netento letimbi talababi.

Levithikusi 19:17

“ ‘Ungamtondzi umnakenu enhlitiyweni yakho; yekhuta makhelwane wakho ungamgegi, funa wetfwale licala kanye naye.

Matewu 15:23

Kodvwa Jesu akazange amphendvule. Bafundzi bakhe base basondzela kuye batsi: “Mcoshe lomfati! Ngobe nangu solomane uyasilandzela uyakhala.”

Matewu 16:23

Jesu wagucuka watsi kuPhetro: “Suka kimi, Sathane! Usitsikameti kimi, ngobe awukuboni lokukwaNkulunkulu, kodvwa ubona kwebantfu!”

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Makho 3:34

Wacalata ababuka bonkhe labebasedvute naye watsi: “Nangu make nabomnaketfu.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

Lukha 22:61

INkhosi yagucuka yabuka Phetro, naPhetro wase uyawakhumbula emavi eNkhosi nayitsi: “Lamuhla lichudze lingakakhali, utabe sewushito katsatfu kutsi awungati.”

Lukha 4:8

Jesu wamphendvula watsi: “UmBhalo utsi: ‘Khotsama iNkhosi Nkulunkulu wakho, umkhonte yena yedvwa!’ ”

Lukha 9:55

Kodvwa Jesu wagucuka wabekhuta.

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

1 kuThimothi 5:20

Labo labonako ubasole ubekhute embikwabo bonkhe, khona nalabo labanye batewuhlala ngekwesaba.

kuThithusi 1:13

Lobufakazi buliciniso. Ngako-ke bekhute kamatima, khona batewucina ekukholweni,

1 yaPhetro 4:1

Njengobe naKhristu wahlupheka emtimbeni ngenca yenu, nani hlomani ngalowo mcondvo, ngobe umuntfu lowake wahlupheka emtimbeni usuke asacedzile ngesono.

1 yaJohane 2:15

Ningalitsandzi live netintfo letiseveni. Nangabe umuntfu atsandza live, lutsandvo lwaBabe alukho kuye.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.