Makho 8:22 - Siswati 1996 Bible

²² Jesu watsi efika nje eBhethsayida, baletsa kuye imphumphutse, bamcela kutsi ayitsintse ngesandla.

Makho 8:22 Referencias Cruzadas

Matewu 11:21

Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.

Matewu 14:36

Bamncenga kutsi sale batsintsa nje umphetfo wengubo yakhe. Bonkhe labawutsintsa baphiliswa.

Matewu 8:15

Jesu watsintsa sandla sakhe, umkhuhlane wase uyamyekela; wasukuma wamlungisela kudla.

Matewu 8:3

Jesu welula sandla, wamtsintsa watsi: “Ngiyatsandza, hlambuluka!” Nembala wahlambuluka masinyane ebulephelweni bakhe.

Matewu 9:29

Jesu watsintsa emehlo ato watsi: “Akwenteke kini njengekukholwa kwenu!”

Makho 2:3

Kwaletfwa kuye umuntfu labefe luhlangotsi, etfwelwe ngemadvodza lamane.

Makho 3:10

Loko wakwenta emvakwekuphilisa labanyenti. Bonkhe lababenetifo babephangelana kuye batewumtsintsa.

Makho 6:45

Masinyane Jesu wangenisa bafundzi bakhe esikebheni, wabahambisa ngembili kwakhe, wabewetela ngesheya eBhethsayida, yena wasala ahambisa lesicuku sebantfu.

Lukha 10:13

“Maye kuwe Khorazini! Maye nakuwe Bhethsayida! Ngobe kube letimangaliso letentiwe kuwe betentiwe eThire naseSidoni, bantfu balapho ngabe kadze baphendvuka; bebayawuhlala phansi, bembatse emasaka, batitsele ngemlotsa bentele kubonakalisa kutsi batishiyile tono tabo.

Lukha 9:10

Nase babuyile baphostoli, bafike batjela Jesu konkhe lababekwentile. Wase uhamba nabo uya edolobheni eBhethsayida.

Johane 1:44

Filiphu abewaseBhethsayida, lapho bekuhlala bo-Andreya naPhetro khona.

Johane 12:21

Wona-ke aya kuFiliphu waseBhethsayida laseGalile, afike atsi kuye: “Nkhosi, sicela kubona Jesu.”