Makho 7:7 - Siswati 1996 Bible

⁷ Bangikhonta ngelite, ngobe bafundzisa imitsetfo leshaywe bantfu, bente shangatsi iphuma kimi!’ ”

Makho 7:7 Referencias Cruzadas

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Malakhi 3:14

“Nine nitsite: ‘Akunamsebenti kukhonta Nkulunkulu. Yini nje lesiyizuzile ngekwenta lakufunako nangekuhamba njengebantfu labalilako embikwaSimakadze longuSomandla?

Matewu 15:9

‘Bangikhonta ngelite, ngobe bafundzisa imitsetfo leshaywe bantfu bente shangatsi iphuma kimi.’ ”

Matewu 6:7

“Kodvwa nanithandazako, ningalibali kukhuluma emagama lamanyenti langasho lutfo, njengebetive labacabanga kutsi batawuvakala ngekukhuluma kwabo lokunyenti.

1 kubaseKorinthe 15:14

Kepha nangabe Khristu akavuswanga-ke kulabafile, kusho kutsi kushumayela kwetfu kulite, nekukholwa kwenu kulite.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

KubaseKholose 2:22

Konkhe loku kusho tintfo letiphelako natisetjentiswa, yimiyalo netimfundziso tebantfu nje.

kuThithusi 3:9

Kodvwa uboyikhweshela imibuzo yebulima, nemilandvo yekutalana, nemibango, nekuphikisana ngemitsetfo, ngobe konkhe loko akusiti lutfo, futsi kulite.

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

YaJakobe 2:20

Wena silima-ndzini, uyafuna yini kukhonjiswa kutsi kukholwa lokungenamisebenti kulite?

Sembulo 22:18

Mine, Johane, ngecwayisa wonkhe umuntfu lowevako emavi alesiphrofetho lesikulencwadzi ngitsi: Nakukhona lowengeta lutfo kuwo, Nkulunkulu uyakwengeta nakuye letinhlupho letichazwe kulencwadzi.

1 Samuweli 12:21

Ningagucukeli etithicweni letingenamsebenti. Tingeke tinisite ngalutfo, tingeke tinisite nekunisita nato, ngobe atinamsebenti walutfo.