Makho 7:24 - Siswati 1996 Bible

²⁴ Jesu wesuka lapho wahamba waya esigodzini saseThire [naseSidoni]. Wefika wangena endlini wabhaca, kodvwa abengenakutifihla.

Makho 7:24 Referencias Cruzadas

Genesisi 10:15

Khenani watubula ngaSidoni, welamisa ngaHethi,

Genesisi 10:19

kangangekutsi umnyele welive lemaKhenani wawusuka eSidoni ushaye eGerari, naseGaza, naseSodoma, naseGomora, nase-Adma, naseSeboyimu uze ufike eLasha.

Genesisi 49:13

“Zebuloni uyakwakha elusentseni lwelwandle; lusentse lwakakhe luyawuba sikhumulo semikhumbi, umnyele wakakhe ubeseSidoni.

Isaya 23:12

Ukhulumile watsi: “Ungeke uphindze utijabulise, wena Ndvodzakati yaseSidoni, sewupitjitiwe! Sukumani newelele eSiphrosi, nakhona lapho ngeke nikutfole kuphumula.”

Isaya 42:2

Angeke amemete, futsi ngeke akhale, nome aphakamise livi lakhe etitaladini.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Matewu 11:21

Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.

Matewu 9:28

Watsi kube Jesu angene endlini, letimphumphutse teta kuye, watsi kuto: “Niyakholwa yini kutsi ngingakwenta loku?” Taphendvula tatsi: “Yebo, Nkhosi.”

Makho 2:1

Emvakwemalangana Jesu wabuyela eKhaphanawume; kwevakala kutsi ubuyile ekhaya.

Makho 7:23

Bonkhe bubi lobunjalo buchamuka ngekhatsi kumuntfu bumngcolise.”

Makho 7:25

Lomunye umfati labegulelwa yindvodzakati yakhe inelidimoni weva ngaye, weta watilahla phansi etinyaweni takhe.

Makho 7:31

Jesu wesuka esifundzeni saseThire wayakujika eSidoni, wadzabula sifundza saseDekhapholisi acondze eLwandle lwaseGalile.

1 kuThimothi 5:25

Kanjalo tento letinhle tisebaleni, naleto letingakabonakali tingeke tihlale tifihlakele.