Makho 6:31 - Siswati 1996 Bible

³¹ Watsi kubo: “Ase sibonane sodvwa, siphumule kancane.” Ngobe bekuphitsitela bantfu behla benyuka, loko kwenta kutsi Jesu nebafundzi bakhe babete nalesincane nje sikhatsi ngisho nesekudla imbala.

Makho 6:31 Referencias Cruzadas

Matewu 14:13

Watsi kube Jesu ayive lendzaba, wesuka kuleyo ndzawo wakhwela sikebhe, wewela waya endzaweni lete bantfu afuna kuba yedvwana. Bantfu batsi kube bakuve loko, baphuma emitini yabo bamlandzela ngetinyawo.

Makho 1:45

Kepha lomuntfu wahamba ayifafata lendzaba, yandza kakhulu, kangangekutsi Jesu abengasakhoni kungena nakulinye nje lidolobha abonwa bantfu. Abesatihlalela emaphandleni nje, kepha bantfu labanyenti babeta kuye bachamuka magangana onkhe.

Makho 3:20

Jesu wase uyesuka ubuyela ekhaya. Ticumbi taphindze tabutsana ngalokwengcile, kangangekutsi Jesu kanye nebafundzi bakhe badzimate baswela ngisho sikhatsi sekudla.

Makho 3:7

Jesu wahamba nebafundzi bakhe baya ngaseLwandle LwaseGalile. Ticumbi tebantfu letatiphuma eGalile naseJudiya tamlandzela.

Johane 6:1

Emvakwaloko Jesu wahamba waya ngesheya kweLwandle lwaseGalile lolulwaseThibheriyase.