Makho 6:20 - Siswati 1996 Bible

²⁰ Herodi bekamesaba Johane amati kahle kutsi ungumuntfu lolungile nalongcwele, ngako-ke abemvikela. Abetsi, nakamuva akhuluma, adzidzeke, noko ajabulele kumlalela.

Makho 6:20 Referencias Cruzadas

1 Emakhosi 21:20

Ahabi watsi ku-Elija: “Wo! Sewungitfolile, sitsa sami!” Elija waphendvula watsi: “Ngikutfolile, ngobe utitsengise wena ngekwenta lokubi emehlweni aSimakadze.

2 Emakhosi 13:14

Ngaleso sikhatsi Elisha abegula aphetfwe sifo lesagcina sendlule naye, simbulele. Jehoyashi, inkhosi yaka-Israyeli, wehla wayakumhlola, wafike wamtsela ngetinyembeti, watsi: “Babe wami! Babe wami! Incola yaka-Israyeli nebagibeli bakhe bemahhashi!”

2 Emakhosi 6:21

Inkhosi yema-Israyeli yatsi nayikubona loko, yabuta Elisha yatsi: “Babe, ngibabulale yini? Ngibabulale?”

2 Tikhronike 24:2

Jowashi wenta lokuhle emehlweni aSimakadze ngaso sonkhe sikhatsi semphristi Jehoyada.

2 Tikhronike 26:5

Wafuna Nkulunkulu ngemalanga ekuphila kwaZakhariya, lowamfundzisa kwesaba Nkulunkulu. Ngesikhatsi asafuna Simakadze, Nkulunkulu wamupha imphumelelo.

Eksodusi 11:3

Simakadze wenta ema-Israyeli kutsi ahlonishwe ngemaGibhithe. Ngetulu kwaloko Mosi waba mkhulu kutiphatsimandla taFaro nakumaGibhithe onkhe.

Hezekeli 33:32

Yebo, kubo awusilutfo, ufanana nemuntfu lohlabela tingoma telutsandvo ngeliphimbo lelimnandzi, adlale nemntjingozi kamnandzi, ngobe emavi akho bayaweva, kodvwa bangawenti.

Danyela 4:18

“Ngilo leli-ke liphupho lengilibhudzile, mine Nebukhadnezari. Manje-ke, Bhelteshasari, ngitjele kutsi lisho kutsini, ngobe kute nome munye wetati letilapha embusweni wami longangichazela lona. Kodvwa wena ungangichazela, ngobe umoya wabonkulunkulu labangcwele ukuwe.”

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Danyela 5:17

Danyela waphendvula inkhosi, watsi: “Letipho takho ungatigcinela tona, uyinike lomunye leyo mivuzo yakho. Noko lombhalo inkhosi ngitakuyifundzela wona ngiyichazele kutsi usho kutsini.

Matewu 14:5

Herodi abefuna kumbulala, kodvwa wesaba bantfu, ngobe bebamtsatsa ngekutsi ngumphrofethi.

Matewu 21:26

Kodvwa nasitsi: ‘Kubantfu,’ sicuku siyasesaba, ngobe bonkhe bavumelana ngekutsi Johane abengumphrofethi.”

Makho 11:18

Baphristi labakhulu kanye netati temtsetfo batsi kube bakuve loko, bafuna indlela lababengabulala ngayo Jesu, ngobe phela babemesaba, kwatise kutsi tonkhe ticuku tatitsatsekile ngalemfundziso yakhe, timangele.

Makho 4:16

Kuhlanyelwa kwaleyo leyawela emadvwaleni kufanekisa labo labatsi bangaliva livi basheshe balemukele ngekujabula,

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

Imisebenti yebaPhostoli 2:12

Basamangele badzidzekile babutana bodvwana batsi: “Kusho kutsini loku?”

Imisebenti yebaPhostoli 5:24

Nasikuva loko siphatsimandla lesiphetse bogadzi belithempeli, nebaphristi labakhulu nabakuva loko, bamangala kutsi ngabe kwentekeni kubaphostoli.