Makho 6:14 - Siswati 1996 Bible

¹⁴ Inkhosi Herodi yakuva loko, ngobe ligama laJesu lase lidvume kakhulu. Labanye babetsi: “Johane uMbhabhatisi sewuvukile kulabafile. Ngiko nje enta letimangaliso letingaka.”

Makho 6:14 Referencias Cruzadas

2 Tikhronike 26:15

Lapha eJerusalema wakha imishini leyayisungulwe bochwepheshe kutsi isetjentiswe emibhoshongweni nasemakoneni ekuvimba titsa ngekudubula butjoki iphindze igicitele khona ematje lamakhulu. Wadvuma, waba nemandla, watiwa yonkhe indzawo, ngenca yekutsi Nkulunkulu nguye lowamsita ngalokumangalisako, waze waba nemandla.

2 Tikhronike 26:8

Ema-Amoni aletsa tetfulo ku-Uziya, ludvumo lwakhe lwandza lwaze lwefika khashane eminyeleni yaseGibhithe, ngobe abesanemandla kakhulu.

Matewu 9:31

Kepha taphuma lapho, takhuluma ngaye kulo lonkhe lelo live.

Makho 1:28

Masinyane tidvumo taJesu tandza nalo lonkhe laseGalile.

Makho 1:45

Kepha lomuntfu wahamba ayifafata lendzaba, yandza kakhulu, kangangekutsi Jesu abengasakhoni kungena nakulinye nje lidolobha abonwa bantfu. Abesatihlalela emaphandleni nje, kepha bantfu labanyenti babeta kuye bachamuka magangana onkhe.

Makho 8:28

Bamtjela batsi: “Batsi unguJohane uMbhabhatisi, kantsi labanye batsi ungu-Elija; labanye batsi: ‘Ngulomunye nje webaphrofethi.’ ”

Lukha 13:31

Khona lapho nje kwase kufika labanye baFarisi bete kuJesu batsi kuye: “Suka lapha uhambe uye kulenye indzawo, ngobe Herodi ufuna kukubulala.”

Lukha 3:1

Kwakungumnyaka weli-15 wekubusa kwaThibheriyusi, uMbusi; Phontiyuse Philatu bekanguLusibalukhulu waseJudiya, Herodi ayinkhosi yaseGalile, umnakabo Filiphu bekayinkhosi yesigodzi sase-Ithureya naseTrakhonithisi; Lisaniyasi abeyinkhosi yase-Abilene.

Lukha 7:17

Lendzaba ngaJesu yandza neliJudiya lonkhe kanye netigodzi letatakhelene nalo.

Lukha 9:19

Bafundzi bamphendvula batsi: “Labanye batsi unguJohane uMbhabhatisi, labanye batsi ungu-Elija, kantsi labanye batsi ungulomunye webaphrofethi basendvulo uvukile ekufeni.”

1 kubaseThesalonika 1:8

Ngobe kuvakala kwelivi leNkhosi lokwachamuka lapho kini akuvakalanga eMasedoniya nase-Akhaya kuphela, kodvwa kukholwa kwenu nguNkulunkulu sekuvakele kuto tonkhe tindzawo, ngako-ke asinasidzingo sekulandzisa ngako.

KumaHebheru 2:4

Nkulunkulu wafakaza kanye nabo ngetibonakaliso, nangetimangaliso, nangemisebenti yemandla leyehlukahlukene, nangetipho taMoya Longcwele lataba ngekwentsandvo yakhe.