Makho 5:40 - Siswati 1996 Bible

⁴⁰ Bamane bamhleka bulima nje. Wabakhiphela ngephandle bonkhe, watsatsa uyise nenina walomntfwana, nalabo labebanaye, wangena nabo lapho bekunemntfwana khona.

Makho 5:40 Referencias Cruzadas

Genesisi 19:14

Ngako-ke Loti waphuma waya kubakhwenyana bakhe lababetawutsatsa emadvodzakati akhe, wefike watsi: “Sheshisani siphume, ngobe Simakadze sewutayibhubhisa lendzawo.” Kepha bamtsatsa njengemuntfu lonamako nje.

2 Emakhosi 4:33

Wangena, wabavalela umnyango bobabili, wase uthandaza kuSimakadze.

Nehemiya 2:19

Kwatsi kube boSanbalati, umHoroni, naThobiya, indvuna yaka-Amoni, kanye naGeshemu, um-Arabu, bakuve loko, basiphukuta basihhalatisa, batsi: “Yini-ke lena lesenicale kuyenta? Senivukela inkhosi yini?”

Jobe 12:4

Sengiyinhlekisa ngisho nakubangani bami, lite nome Nkulunkulu angiphendvula nangikhala kuye, ngaba yintfo yekuhlekwa nje, lite nome ngilungile futsi ngingenacala.

Tihlabelelo 22:7

Bonkhe labangibonako bayangiphukuta, badvubula imilomo bancife, banikine netinhloko, batsi:

Matewu 15:11

Akusiko lokungena emloyeni lokumngcolisako umuntfu, kodvwa ngulokuphuma emlonyeni loku lokumngcolisako.”

Matewu 7:6

“Ningatiniki tinja lokungcwele, ningawalahli etihhontjini ematje enu laligugu, funa tiwagcobagcobe ngetinselo tato, bese tigucukela kini tiyanidzabudzabula.”

Makho 5:39

Watsi kube angene, watsi kubo: “Nikhalelani, nidzindza sililo nje? Lomntfwana akafi, ulele.”

Makho 5:41

Wafike wabamba lomntfwana ngesandla, watsi kuye: “Thalitha, khumi,” lokusho kutsi: “Ntfombatana, ngitsi kuwe: Vuka!”

Lukha 16:14

BaFarisi nabakuva loku, bamphukuta Jesu, ngobe phela babeyitsandza imali.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”