Makho 4:41 - Siswati 1996 Bible

⁴¹ Bafikelwa kwesaba lokukhulu; kwaba ngulowo wabuta lomunye atsi: “Kantsi ngubani lona? Wekhuta umoya ngisho nelwandle kumlalele!”

Makho 4:41 Referencias Cruzadas

Jobe 38:11

ngesikhatsi ngitsi: ‘Ungahamba ugcine lapha, ungabe usachubekela embili, emagagasi akho latigcabhako atawugcina lapha’?

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Malakhi 2:5

“Sivumelwane sami naye bekusivumelwane sekuphila nekuthula, nguloko lengamnika kona, kutsi angihloniphe, futsi wavele wangihlonipha wema ekulesabeni Libito lami.

Matewu 14:32

Basangena esikebheni umoya wabindza.

Matewu 8:27

Bantfu bamangala, badzimate batsi: “Kantsi muntfu muni lona, ngobe imimoya nelwandle kuyamlalela?”

Makho 4:40

Watsi kubafundzi: “Nesabani kodvwa? Nentiwa yini lokutsi nibete kukholwa?”

Makho 5:1

Base bewelela ngesheya kweLwandle LwaseGalile eveni laseGerasa.

Makho 5:33

Kodvwa lomfati ati kahle kutsi kwentekeni kuye, wasondzela ngembili achachatela, ngenca yekwesaba, waguca phansi embikwakhe, wamtjela lonkhe liciniso.

Makho 7:37

Bamangala kakhulu batsi: “Lomuntfu utenta kahle tonkhe tintfo. Wenta labangeva beve, nalabangakhulumi bakhulume!”

Lukha 4:36

Bantfu betfuka bonkhe, bakhuluma bodvwana batsi: “Livi lini leli? Ngeligunya nangemandla lamakhulu lomuntfu ukhalimela imimoya lemibi iphume.”

Lukha 8:25

Wase utsi kubo: “Kuphi kukholwa kwenu?” Besaba bamangala, badzimate bakhulumisana bodvwana batsi: “Ngubani kantsi lona, ngobe ukhalimela umoya nemanti kumlalele?”

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.