Makho 4:15 - Siswati 1996 Bible

¹⁵ Kuhlanyelwa kwaleyo leyawela endleleni kufanekisa labo labatsi bangaliva livi, masinyane kufike Sathane alitsatse lelivi lelihlanyelwe kubo.

Makho 4:15 Referencias Cruzadas

Genesisi 19:14

Ngako-ke Loti waphuma waya kubakhwenyana bakhe lababetawutsatsa emadvodzakati akhe, wefike watsi: “Sheshisani siphume, ngobe Simakadze sewutayibhubhisa lendzawo.” Kepha bamtsatsa njengemuntfu lonamako nje.

Isaya 53:1

Ngubani lowakholwa ngumbiko wetfu? Wona umkhono waSimakadze wembulwa kubani?

Zakhariya 3:1

Simakadze wabe sewungibonisa Jeshuwa, umPhristi Lomkhulu, eme embikwengilosi yaSimakadze, naSathane eme ngasesandleni sakhe sekudla atekummangalela.

Matewu 13:19

Bantfu labatsi nabeva livi lembuso kepha bangete balicondza, bayaye befikelwe nguLomubi, abemuke loko bekuhlanyelwe etinhlitiyweni tabo: loko-ke kusho inhlanyelo leyayihlanyelwe endleleni.

Matewu 22:5

Kodvwa letimenywa atinakanga, tesuka tahamba: Lesinye satiyela ensimini, lesinye satiyela ebhizinisini yaso.

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Makho 4:14

Umhlanyeli uhlanyela livi laNkulunkulu.

Makho 4:16

Kuhlanyelwa kwaleyo leyawela emadvwaleni kufanekisa labo labatsi bangaliva livi basheshe balemukele ngekujabula,

Makho 4:4

Kwatsi ngesikhatsi ahlanyela, lenye inhlanyelo yawela endleleni, kwefika tinyoni tayidla.

Lukha 8:12

Kuhlanyelwa kwaleyo leyawela endleleni kufanekisa labo labalivako livi laNkulunkulu bese kufika Sathane uyalisusa etinhlitiyweni tabo, kuze bangakholwa funa basindziswe.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

Imisebenti yebaPhostoli 5:3

Phetro watsi kuyo: “Ananiyase, umvumeleleni Sathane kutsi abuse inhlitiyo yakho akwente ucale emanga kuMoya Longcwele ngekugodla incenye yalemali leyintsengo yalendzawo?

2 kubaseKorinthe 2:11

Siyawati emachinga aSathane; ngako-ke akukafaneli simvumele asehlule.

2 kubaseThesalonika 2:9

Kufika kwalongenamtsetfo ngumsebenti waSathane. Uyawufika anawo onkhe emandla, netibonakaliso, netimangaliso letingemanga,

KumaHebheru 12:16

Akubete logwadlako, nome lophingako, nome lonaka live njenga-Esawu, lowatsenga kudla ngemalungelo akhe onkhe ebutubulo.

KumaHebheru 2:1

Ngako-ke ngabe siyakucaphelisisa sikubambe loko lesikuvile, funa sikhweshe kuko.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 20:7

Kuyawutsi kube kuphele iminyaka leyinkhulungwane, Sathane uyawukhululwa ekuboshweni kwakhe.