Makho 3:2 - Siswati 1996 Bible

² Bekukhona lababefuna kubeka Jesu licala, ngako-ke bamcaphelisisa kutsi utawumphilisa yini lomuntfu, njengobe kwakuliSabatha nje.

Makho 3:2 Referencias Cruzadas

Tihlabelelo 37:32

Lomubi utingela lolungile, ucondze kutsi ambulale.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Danyela 6:4

Ngenca yaloko labengameli kanye naletikhulu, betama kutfola tizatfu tekutsi Danyela atfolakale anemacala macondzana nekuphatsa kwakhe tindzaba tembuso, kodvwa behluleka kukwenta loko. Abazange bayitfole inkhohlakalo kuye, ngobe abetsembekile, abengakakhohlakali, futsi anakekela kahle konkhe.

Matewu 12:10

Kwakukhona indvodza leyayinesandla lesasishwaphene, bambuta batsi: “Kuvunyelwe yini kutsi kuphiliswe ngeliSabatha?” Phela babentela kutsi batemmangalela.

Makho 3:3

Jesu watsi kulomuntfu labenesandla lesishwaphene: “Sukuma ute la ngembili.”

Lukha 14:1

Ngalelinye liSabatha Jesu abeyewudla emtini walesinye siphatsimandla selicembu lebaFarisi, bantfu bebacaphelisisile kutsi Jesu utakwentani.

Lukha 20:20

Ngako betama kutfola sikhatsi lesikahle. Batsenga labanye bantfu kutsi babe timpimpi, batente shangatsi batimisele kantsi bentela kugiba Jesu ngemibuzo, kuze bamnikete kulabakhulu nasemandleni embusi.

Lukha 6:7

Labanye bafundzisi bemtsetfo nebaFarisi bafuna lichinga lekubeka Jesu licala lekutsi wonile, bebamciphile bafuna kubona kutsi, njengobe kuliSabatha nje, utawuphilisa yini.

Johane 8:6

Phela bakusho loko bamlinga kuze babe nesizatfu sekummangalela, kepha Jesu wesuka wagobondzela wabhala ngemuno emhlabatsini.

Johane 9:16

Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.