Makho 2:26 - Siswati 1996 Bible

²⁶ Wangena endlini yaNkulunkulu ngesikhatsi kuphetse Abiyatha, umPhristi Lomkhulu, wadla tinkhwa lekwakunikelwe ngato kuNkulunkulu, nome kwakungakavunyelwa ngekwemtsetfo kutsi tidliwe ngulomunye umuntfu ngaphandle kwebaphristi kuphela. Kepha Davide watidla, wapha nalamadvodza labehamba nawo.”

Makho 2:26 Referencias Cruzadas

2 Samuweli 15:24

Sadoki naye abelapho naye, akanye nawo onkhe emaLevi, betfwele libhokisi lesivumelwane saNkulunkulu. Balibeka phansi libhokisi lesivumelwane saNkulunkulu, Abiyatha wase unikela ngemihlatjelo, baze baphuma bonkhe bantfu edolobheni.

2 Samuweli 15:29

Ngako boSadoki na-Abiyatha batsatsa lelibhokisi lesivumelwane saNkulunkulu balibuyisela emuva eJerusalema, bahlala khona lapho.

2 Samuweli 15:35

Bangeke yini baphristi boSadoki na-Abiyatha babe nawe lapho? Batjele konkhe lokuvako esigodlweni senkhosi.

2 Samuweli 20:25

Sheva abengumabhalane; boSadoki na-Abiyatha bona bekubaphristi.

2 Samuweli 8:17

BoSadoki, umsa wa-Ahitubi, kanye na-Ahimeleki, umsa wa-Abiyatha, bona babebaphristi; Seraya yena abengumabhalane.

1 Emakhosi 1:7

Adoniya wakhuluma naboJowabe, unina labenguSeruya, kanye na-Abiyatha, umphristi; nabo bamsekela.

1 Emakhosi 2:22

Inkhosi Solomoni yaphendvula unina yatsi: “Umcelelani Abishagi, waseShunemu, kutsi abe ngumka-Adoniya? Ungamane sale umcelela bukhosi. Empeleni ungumnaketfu lomdzala, kantsi futsi na-Abiyatha, umphristi, kanye naJowabe, umsa waSeruya, bangakuye!”

1 Emakhosi 4:4

Bhenaya, umsa waJehoyada, abeyindvuna yemphi; boSadoki na-Abiyatha bebabaphristi.

1 Tikhronike 24:6

Umbhali Shemaya, umsa waNethaneli, umLevi, wababhalisa emabito abo embikwenkhosi netindvuna, naboSadoki, umphristi, na-Ahimeleki, umsa wa-Abiyatha, netinhloko temindeni yebaphristi neyemaLevi, kutsatfwa umndeni munye ka-Eleyazare, kwase kutsatfwa munye ka-Ithamari. Inkatho yahamba kanje:

Matewu 12:4

kutsi wangena endlini yaNkulunkulu wadla tinkhwa tekubekwa embikwaNkulunkulu, lebekungakafaneli kutsi tidliwe nguye, kanye nalabo labenabo, ngaphandle kwebaphristi kuphela?

Makho 2:25

Wabaphendvula Jesu watsi: “Angitsi nafundza kutsi Davide wentani mzukwane asadzinga kudla, yena kanye nalamadvodza labehamba nawo sebalambile?

1 Samuweli 21:1

Davide wahamba waya ku-Ahimeleki, umphristi, eNobi. Ahimeleki watfutfumela kakhulu, nakahlangana naye, wambuta watsi: “Uhambelani wedvwa? Awuhambi ngani nemuntfu?”

1 Samuweli 23:6

Abiyatha, umsa wa Ahimeleki, abete nesidziya sebaphristi ngesikhatsi abalekela kuDavide eKheyila.

1 Samuweli 23:9

Watsi kube Davide aluve loluzungu lolwase luboshwe nguSawula ngaye, wakhuluma ku-Abiyatha, umphristi, watsi: “Letsa lapha lesidziya sebaphristi.”