Makho 2:12 - Siswati 1996 Bible

¹² Ngekushesha lomuntfu wasukuma watsatsa luhlaka lwakhe, wahamba bonkhe bambukile. Bamangala bonkhe, badvumisa Nkulunkulu, batsi: “Asizange sesikubone lokunje.”

Makho 2:12 Referencias Cruzadas

Matewu 12:23

Tonkhe ticumbi tebantfu tamangala, tatsi: “Akusiyo yini indvodzana yaDavide lena?”

Matewu 15:31

Ngako ticumbi tamangala natibona timungulu tikhuluma, tingini tiphelele, tinchute tihamba, netimphumphutse tibona; tase tidvumisa Nkulunkulu wema-Israyeli.

Matewu 9:33

Latsi kube likhishwe lelidimoni, lendvodza yase iyakhuluma. Bantfu bonkhe bamangala, baze batsi: “Akuzange sekubonwe lokunje ka-Israyeli!”

Matewu 9:8

Bantfu batsi kube bakubone loko, betfuka badvumisa Nkulunkulu lonika bantfu emandla lanjalo.

Makho 1:27

Bonkhe bantfu bamangala betfuka, kangangoba badzimate babutana bodvwana batsi: “Seyini-ke le? Yimfundziso lensha lenemandla. Kantsi nemadimoni uyawekhuta amlalele!”

Makho 2:11

“Ngitsi kuwe: Sukuma utsatse luhlaka lwakho, uhambe uye ekhaya.”

Lukha 13:13

Wambeka tandla, masinyane umfati weluleka waphila, wadvumisa Nkulunkulu.

Lukha 17:15

Lenye yatsi kube ibone kutsi seyiphilile, yancandzeka idvumisa Nkulunkulu ngelivi lelikhulu.

Lukha 5:26

Bonkhe bantfu bamangala ngekwesaba lokukhulu badvumisa Nkulunkulu batsi: “Maye, tsine sibone tintfo letimangalisako lamuhla lapha!”

Lukha 7:16

Bonkhe bantfu bafikelwa kwesaba, badvumisa Nkulunkulu batsi: “Sifikelwe ngumphrofethi lomkhulu!” Baphindze batsi: “Nkulunkulu sewubahambele bantfu bakhe!”

Johane 7:31

Kodvwa labanyenti kulesicumbi bakholwa nguye batsi: “Nasefikile Khristu, uyakwenta tibonakaliso letinyenti letendlula leti letentiwe ngulona yini?”

Johane 9:32

Seloku kwadalwa umhlaba, akuzange sekuvakale kutsi ukhona lowake wavula emehlo emuntfu lowatalwa ayimphumphutse.

Imisebenti yebaPhostoli 4:21

Liqoqo lelo labaficisisa kakhulu, lase liyabakhulula, ngobe alisitfolanga sizatfu sekubajezisa, ngobe bonkhe bantfu bebadvumisa Nkulunkulu ngaloko lebekwentekile.