Makho 16:16 - Siswati 1996 Bible

¹⁶ “Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Makho 16:16 Referencias Cruzadas

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Makho 1:15

Abetsi: “Sikhatsi sesifikile, umbuso waNkulunkulu sewusondzele. Phendvukani nikholwe liVangeli.”

Lukha 8:12

Kuhlanyelwa kwaleyo leyawela endleleni kufanekisa labo labalivako livi laNkulunkulu bese kufika Sathane uyalisusa etinhlitiyweni tabo, kuze bangakholwa funa basindziswe.

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Johane 3:5

Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Johane 6:29

Jesu wabaphendvula watsi: “Umsebenti waNkulunkulu kutsi nikholwe nguye lamtfumile.”

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Johane 6:40

Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

Imisebenti yebaPhostoli 10:43

Bonkhe baphrofethi bafakaza ngaye, batsi wonkhe umuntfu lokholwa nguye uyawutsetselelwa tono ngelibito lakhe.”

Imisebenti yebaPhostoli 13:46

Kepha boPawula naBhanabasi bakhuluma ngesibindzi batsi: “Bekufanele kutsi livi leNkhosi likhulunywe kini kucala. Kepha njengobe ningalifuni, ningaticabangeli nine kutsi nifanelwe kuphila kwaphakadze, bhekani-ke sesiyanishiya siya kubetive.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Imisebenti yebaPhostoli 22:16

Pho, usebanjwe yini? Sukuma ubhajatiswe, utsetselelwe tono takho, ukhuleke egameni lakhe.’ ”

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

KubaseRoma 4:24

kodvwa abhalwa nangatsi lesemukelwe ngekutsi silungile, tsine lesikholwa nguye lowavusa Jesu iNkhosi yetfu kulabafile.

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

2 kubaseThesalonika 2:12

Ngako-ke bonkhe labo labangazange balikholwe liciniso, kodvwa baba nenjabulo kuloko lokungakalungi, bayakwehlulelwa ngekulahlwa.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”