Makho 16:1 - Siswati 1996 Bible

¹ Emvakwelilanga leliSabatha boMariya waseMagdala, naMariya, unaboJakobe, naSalome batsenga emakha bentela kuya bayewugcobisa ngawo sidvumbu saJesu.

Makho 16:1 Referencias Cruzadas

Genesisi 50:2

Josefa wayala tisebenti takakhe nabochwephesha bekomisa tidvumbu kutsi batsatse sidvumbu seyise bayesomisa ngemitsi kuze singaboli; ngempela sidvumbu sa-Israyeli somiswa ngemitsi.

2 Tikhronike 16:14

Wafihlwa ethuneni labetakhele lona eDolobheni laDavide. Bamfaka eluhlakeni lolwalufakwe imitsi yekugcina sidvumbu, bafaka netinhlobonhlobo temakha, base babasa imbutfuma yemlilo yekumlilela.

Makho 14:3

Jesu abeseBhetani, ekhaya kaSimoni lowake waba lilephelo. Watsi Jesu asadla, kwefika umfati aphetse sigujana lesasakhiwe ngelitje lembiza, sigcwele emafutsa langemakha enadi ladule kakhulu. Wasivula lesigujana, watsela lamakha enhloko yaJesu.

Makho 14:8

Naye-ke wente loko langahle akwente, ugcobise umtimba wami awulungiselela kungcwatjwa usengakangcwatjwa.

Makho 15:40

Bekukhona nebafati lababebuka beme bucalu, emkhatsini wabo bekukhona Mariya waseMagdala, naSalome, naMariya, unina waboJosese naJakobe labemncane.

Makho 15:42

Kwase kucalile kuhwalala. Phela kwakulilanga lekwenta emalungiselelo, lokusho kutsi kwakunguLesihlanu, kutakusa kuliSabatha.

Makho 15:47

BoMariya waseMagdala naMariya, unaboJosese, babona lapho angcwatjwa khona Jesu.

Makho 16:2

Ekuseni ngeluvivi, ngeliSontfo, lilanga lekucala evikini, baya ethuneni; befika lilanga seliphuma.

Makho 16:8

Baphuma babaleka ethuneni, ngobe bese bachachatela besaba kakhulu. Abazange sebayitsi vu ngisho nakumunye, ngobe bebesaba kakhulu.

Lukha 23:54

KwakunguLesihlanu, lilanga Lemalungiselelo; liSabatha lase litawucala.

Lukha 23:56

Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.

Lukha 24:1

Ekuseni kuseluvivi ngeliSontfo, lilanga lekucala evikini, bafati baya ethuneni baphetse emakha lababewalungisile.

Johane 19:25

Lapha eceleni kwesiphambano saJesu bekume unina wakhe nadzadzewabonina, naMariya umkaKlophase, naMariya waseMagdala.

Johane 19:31

EmaJuda ase acela Philatu kutsi awavumele ephule imilente yalamadvodza labebulewe, atewehlisa etiphambanweni. Phela besekunguLesihlanu kungakafaneli kuse kulenga tidvumbu etiphambanweni ngelilanga leliSabatha, ikakhulu ngobe lelo Sabatha bekulilanga lelikhulu.