Makho 14:72 - Siswati 1996 Bible

⁷² Masinyane lichudze lakhala kwesibili. Nembala Phetro wawakhumbula emagama aJesu ngesikhatsi atsi kuye: “Lichudze lingakakhali kwesibili wena utawube sewungiphike katsatfu.” Wadzabuka kakhulu enhlitiyweni yakhe, wakhala.

Makho 14:72 Referencias Cruzadas

2 Samuweli 24:10

Kodvwa, emvakwekube Davide asalwentile lubalo, nembeza wakhe wacala kumehlulela, wakhuluma kuSimakadze watsi: “Ngonile kakhulu ngaloku lengikwentile. Manje! Awu! Simakadze! Ngiyakuncenga, susa licala lenceku yakho. Vele, ngente intfo lebulima kakhulu.”

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 36:31

Lapho-ke niyawutikhumbula tindlela tenu letimbi netento tenu letinengekako, niyawutenyanya ngenca yetono tenu nangetento tenu letinengekako.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Matewu 26:34

Jesu watsi kuye: “Ngicinisile, ngitsi kuwe: Kulobusuku balamuhla, lichudze litawutsi likhala, utabe sewungiphike katsatfu.”

Makho 14:30

Jesu watsi kuye: “Ngicinisile, ngitsi kuwe: Kubo lobusuku balamuhla, lichudze litawutsi lingakakhali kwesibili, wena utabe sewungiphike katsatfu.”

Makho 14:68

Kodvwa waphika Phetro watsi: “Angati, futsi angikuva nekutsi ukhuluma ngani.” Waphumela ngephandle esibuyeni. [Lichudze lase liyakhala.]

Makho 14:71

Kodvwa Phetro wafunga aticalekisa, watsi: “Angimati lomuntfu lenikhuluma ngaye!”

Lukha 22:60

Kodvwa Phetro waphendvula watsi: “Ndvodza, angiyati lentfo lokhuluma ngayo!” Ngekushesha, asakhuluma, lichudze lakhala.

Lukha 22:62

Phetro waphumela ngephandle wafike wakhala kabuhlungu kakhulu.

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.