Makho 14:65 - Siswati 1996 Bible

⁶⁵ Labanye bamkhafulela ngematse, bammbonya buso bakhe, bamshaya batsi: “Phrofetha!” Nabogadzi imbala bammukula.

Makho 14:65 Referencias Cruzadas

2 Tikhronike 18:23

Sedekiya, umsa waKhenana, wasukuma wafumba Mikhaya ngemphama ebusweni, atsi: “LoMoya waSimakadze uhambe ngakuphi, nawusuka kimi uyewukhuluma kuwe?”

Esta 7:8

Watsi asatilahla phansi nje embikwetinyawo tesihlalo sa-Esta, asatsi usetatincengela, yangena inkhosi seyibuya esibuyeni. Yatsi nayimbona enta njalo, yamemeta yatsi: “Kantsi lendvodza seyitawudlwengula umdlunkhulu wami lapha ekhatsi esigodlweni nasembikwami, ngibuka?” Latsi liphuma nje lelo livi enkhosini, tinceku taphutfuma tambonya buso baHamani.

Jobe 30:10

Sebayangenyanya, bahambela khashane nami, abasesabi nekungikhafulela ebusweni.

Isaya 50:6

Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Isaya 52:14

Njengobe bebabanyenti babeyesaba, kubonakala kwayo kwakuhliphikile kwendlula bonkhe bantfu, nesimo sayo sasonakele kunesabo bonkhe bantfu.

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Numeri 12:14

Simakadze watsi kuMosi: “Kube bekakhafulelwe nguyise ebusweni bakhe bekangetiletfwala yini lelihlazo lakhe emalanga lasikhombisa? Akavalelwe ngephandle kwenkambu ahlale khona emalanga lasikhombisa, kutawutsi emvakwaloko bese niyamngenisa-ke.”

Matewu 27:30

Lamkhafulela ngematse, latsatsa lomhlanga, lamshaya enhloko.

Makho 10:34

Batawuhlekisa ngayo, bayikhafulele ngematse, bayibhambabule, bayibulale, kodvwa kuyawutsi ngelilanga lesitsatfu ivuke kulabafile.”

Makho 15:19

Abehle amshaya enhloko ngendvuku yenhlangamlambo, amkhafulele ngematse, aguce embikwakhe amkhotsamele.

Johane 18:22

Asakhuluma loko Jesu, lomunye wabogadzi labesedvutane naye wammukula ngemphama watsi: “Uphendvula umPhristi Lomkhulu nawusho nje?”

Johane 19:3

amphukuta, eta kuye afike atsi: “Bayethe! Nkhosi yemaJuda!” Ammukula ngetimphama.

Imisebenti yebaPhostoli 23:2

UmPhristi Lomkhulu, Ananiyase, watjela labo lababeseceleni kwaPawula kutsi abammukule emlonyeni.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.