Makho 14:5 - Siswati 1996 Bible

⁵ Ngobe ngabe atsengiswe ngabodenariyo labangema-300, kwabelwa labamphofu lemali.” Bamsola kakhulu lomfati.

Makho 14:5 Referencias Cruzadas

Tihlabelelo 106:25

Bakhonona basemathendeni abo, abazange balilalele livi laSimakadze.

Matewu 18:28

“Kepha satsi siphuma nje leso sisebenti, sahlangana nalesinye sisebenti lesasikanye naso, lesasisikweleda emaRandi lalishumi. Sasibamba sasekhama, satsi: ‘Khipha imali yami!’

Matewu 20:11

Batsi nabamemukela, bacala bakhonona kulomnikati wesivini,

Matewu 26:9

Ngobe lamakha ngabe atsengiswe ngemali lenkhulu, kwanikwa labamphofu!”

Makho 14:4

Kodvwa bekukhona labatfukutsela, bakhuluma bodvwana batsi: “Kudlalelwani ngalamafutsa?

Makho 14:6

Kodvwa Jesu watsi: “Myekeleni; nimhluphelani? Ngobe wente umsebenti lomuhle kakhulu kimi.

Lukha 15:2

Kodvwa baFarisi netati temtsetfo tahhingatela tatsi: “Lomuntfu wemukela tilahlwa abuye futsi adle nato!”

Johane 13:29

Labanye bacabanga kutsi njengobe Judasi abengumphatsisikhwama, Jesu abetsi kuye akayewutsenga loko lababetakudzinga emkhosini, nome aphe timphuya lokutsite.

Johane 6:43

Jesu wabaphendvula, watsi: “Anisiwuvungama nodvwana!

Johane 6:7

Filiphu wamphendvula watsi: “Tinkhwa temaLangeni langema-200 tingeke tibenele, kube ngulowo nalowo atfole lucetwana nje.”

1 kubaseKorinthe 10:10

Ningakhononi njengalabanye kubo labakhonona, babhujiswa ngumbhubhisi.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

Dutheronomi 1:27

Nakhonona emathendeni enu, natsi: ‘Simakadze uyasenyanya; kungako nje asikhipha eveni laseGibhithe, abentela kutasinikela etandleni tema-Amori kutsi atesibhubhisa.

KubaseFiliphi 2:14

Yentani konkhe ningakhononi, ningaphikisani,

YaJuda 1:16

Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.