Makho 14:41 - Siswati 1996 Bible

⁴¹ Wabuya kwesitsatfu watsi kubo: “Kantsi nisalele nanyalo? Nisaphumulile? Sekwenele; sikhatsi sesifikile. Ase nibuke-ke, iNdvodzana yeMuntfu seyiniketwa etandleni tetoni.

Makho 14:41 Referencias Cruzadas

1 Emakhosi 18:27

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

1 Emakhosi 22:15

Watsi kube efike, inkhosi yambuta yatsi: “Mikhaya, singaya yini kuyawuhlasela iRamothi Gileyadi, nome siyekele?” Waphendvula Mikhaya watsi: “Hlasela uncobe, ngobe Simakadze utayinikela esandleni senkhosi.”

2 Emakhosi 3:13

Elisha wakhuluma enkhosini yaka-Israyeli, watsi: “Sihlangene ngani nje tsine nawe? Hamba uye kubaphrofethi beyihlo nakubaphrofethi benyoko uyewubuta kubo.” Inkhosi yaka-Israyeli yaphendvula, yatsi: “Cha, kungobe nguSimakadze lobitele tsine, makhosi lamatsatfu, ndzawonye, kuze asinikele esandleni saMowabi.”

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Hezekeli 20:39

“ ‘Macondzana nani, ninendlu yaka-Israyeli, naku lokushiwo yiNkhosi Simakadze, itsi: Hambani niyewukhonta tithico tenu, nonkhe! Kodvwa ngicinisile ngitsi, emvakwaloko niyawulalela mine, ningasaphindzi nilihlambalate Libito lami lelingcwele ngetipho tenu nangetithico tenu.

Matewu 26:2

“Njengobe nati kutsi sekusele emalanga lamabili kutsi kube nguMkhosi weliPhasika, iNdvodzana yeMuntfu itawunikelwa kuze ibetselwe esiphambanweni.”

Makho 14:10

Judasi Skariyothe, labengulomunye walababeli-12, waya kubaphristi labakhulu wayawutsengisa ngaJesu.

Makho 14:18

Batsi basadla, Jesu watsi kubo: “Ngicinisile, ngitsi kini: Lomunye emkhatsini wenu, nine lenidla kanye nami, utangitsengisa.”

Makho 14:35

Yena wachubachubeka libangana, watilahla phansi, wakhuleka kutsi sendlule kuye lesikhatsi selusizi, nakungenteka.

Makho 14:40

Waphindza wabuyela kulabafundzi labatsatfu, wabakhandza balele. Phela emehlo abo abesindvwa butfongo, behluleka kutsi bangamphendvula batsini.

Makho 14:42

Sukumani sambe! Bukani nangu longitsengisako asakhona.”

Makho 7:9

Wabuye watsi kubo: “Ninemacebo lahlakaniphile ekulahla imiyalo yaNkulunkulu, khona nitewubambelela emasikweni enu.

Makho 9:31

Jesu wabafundzisa bafundzi bakhe atsi: “INdvodzana yeMuntfu itawuniketwa etandleni tebantfu. Bona batayibulala. Nase bayibulele itawuvuka ngelilanga lesitsatfu.”

Johane 12:23

Jesu wabaphendvula watsi: “Sesifikile sikhatsi sekutsi iNdvodzana yeMuntfu ikhatimuliswe.

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

Johane 17:1

Jesu watsi kube acedze kukhuluma lamavi, wabheka etulu watsi: “Babe, sikhatsi sesifikile. Khatimulisa iNdvodzana yakho, kuze iNdvodzana itekukhatimulisa.

Johane 7:30

Ngako base bafuna kumbamba, kodvwa kute lowake wambeka sandla, ngobe sikhatsi sakhe sasisengakefiki.

Johane 8:20

Jesu wakusho konkhe loku ngesikhatsi afundzisa asethempelini, lapho kwakubekwe khona emabhokisi eminikelo. Kute lowambopha, ngobe sikhatsi sakhe sasisengakefiki.

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.

Tikhulu 10:14

Hambani niyewukhala kulabonkulunkulu lenabakhetsa. Akube ngabo labanisindzisako nase nisenhluphekweni.”