Makho 14:35 - Siswati 1996 Bible

³⁵ Yena wachubachubeka libangana, watilahla phansi, wakhuleka kutsi sendlule kuye lesikhatsi selusizi, nakungenteka.

Makho 14:35 Referencias Cruzadas

Genesisi 17:3

Abrama wakhotsamisa buso bakhe, batsintsa phansi, Nkulunkulu watsi kuye:

2 Tikhronike 7:3

Kwatsi kube onkhe ema-Israyeli abone lomlilo wehla nenkhatimulo yaSimakadze isetikwelithempeli, baguca phansi esiyilweni bakhotsama ngetinhloko tabo tibheke phansi, bakhonta Simakadze bambonga batsi: “Akabongwe Simakadze ngebuhle bakhe, ngobe umusa wakhe ume kuze kube phakadze.”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 26:45

Jesu wefika kubafundzi bakhe watsi: “Nisalele namanje, niyaphumula? Bukani-ke, sikhatsi sesisondzele, iNdvodzana yeMuntfu seyiniketwe etandleni tetoni.

Makho 14:41

Wabuya kwesitsatfu watsi kubo: “Kantsi nisalele nanyalo? Nisaphumulile? Sekwenele; sikhatsi sesifikile. Ase nibuke-ke, iNdvodzana yeMuntfu seyiniketwa etandleni tetoni.

Lukha 22:41

Kodvwa yena wesuka kubo, wachubeka libanga lelingaba ngangemjikijelo, waguca phansi wathandaza.

Johane 12:23

Jesu wabaphendvula watsi: “Sesifikile sikhatsi sekutsi iNdvodzana yeMuntfu ikhatimuliswe.

Dutheronomi 9:18

“Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

Sembulo 4:10

lamalunga langema-24 awa phansi embikwakhe lohleti esihlalweni sebukhosi, amkhonte lowo lophila kuze kube phakadze. Etfula imichele yawo ayibeke embikwesihlalo sebukhosi, ahlabelele atsi:

Sembulo 5:14

Tidalwa letine tatsi: “Amen!” Nemalunga onkhe awa phansi akhuleka.