Makho 13:6 - Siswati 1996 Bible

⁶ Kuyawuta labanyenti egameni lami batsi: ‘Nginguye!’ Ngaloko bayakwedukisa labanyenti.

Makho 13:6 Referencias Cruzadas

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Matewu 24:11

Kuyakuvela baprofethi bemanga labanyenti, bedukise bantfu labanyenti.

Matewu 24:5

Ngobe bantfu labanyenti bayawuta ngelibito lami, befike batsi: ‘NginguKhristu!’ bedukise labanyenti.

Makho 13:22

Bokhristu bemanga nebaphrofethimbumbulu batawuvela bakhombise tibonakaliso netimangaliso kuze kwedukiswe nalabakhetsiwe, nakunekwenteka.

Makho 13:5

Jesu wabatjela watsi: “Caphelani kutsi kubete lonedukisako.

Makho 13:7

Naniva emahemuhemu etimphi, netindzaba tetimphi, ningetfuki, ngobe letintfo tifanele kutsi tenteke, kodvwa noko umhla wekuphela uyawube ungakefiki.

Johane 5:43

Mine ngite egameni laBabe, kodvwa aningemukeli; kepha nakuta lomunye atitela egameni lakhe, yena nitamemukela.

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

Johane 8:28

Ngako Jesu wase utsi kubo: “Nase niyiphakamisile iNdvodzana yeMuntfu, nitakwati kutsi: ‘Mine Nginguye leNginguye;’ nekutsi futsi angenti lutfo ngekwami; kepha ngikhuluma loko, njengobe ngifundziswe nguBabe.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.