Makho 12:33 - Siswati 1996 Bible

³³ Kutsandza Nkulunkulu ngenhlitiyo yami yonkhe, nangekucondza kwami konkhe, nangemandla ami onkhe, kanye nekutsandza makhelwane wami njengobe ngititsandza mine, kuncono kakhulu kuneminikelo leshiswako nakunemihlatjelo.”

Makho 12:33 Referencias Cruzadas

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Hoseya 6:6

Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.

Matewu 12:7

Kepha kube benati kutsi kusho kutsini kutsi: ‘Ngifuna sihawu, hhayi umhlatjelo,’ ngabe anibalahlanga labo labangenalo licala.

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Dutheronomi 6:5

Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.

KumaHebheru 10:8

Kwekucala utsi: “Awuyifunanga imihlatjelo neminikelo, njengeminikelo yekushiswa neminikelo yetono, futsi awujatjuliswanga ngiyo.” Noko yonkhe leminikelo inikelwa ngekwemtsetfo.

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.