Makho 11:33 - Siswati 1996 Bible

³³ Ngako base baphendvula Jesu batsi: “Awu, asati.” Jesu-ke yena watsi: “Nami-ke ngeke nginitjele kutsi letintfo ngitenta ngaliphi ligunya.”

Makho 11:33 Referencias Cruzadas

Jobe 5:13

Ubamba labahlakaniphile kuwo onkhe emacebo abo, nemachinga alabangemacili uwaphambanisa onkhe.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 56:10

Balindzi bema-Israyeli batimphumphutse, bonkhe abati lutfo; batigolwane, abakwati ngisho nekutsi buku; balibala kutsi bunyalala, babhudze kuphela, bayakutsandza kulala.

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Matewu 15:14

Bayekeleni, ngobe ngibo baholi labatimphumphutse; kepha nangabe imphumphutse ihola lenye imphumphutse, totimbili tiyawuwela emgodzini.”

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Matewu 21:27

Base bayamphendvula Jesu batsi: “Asati.” Naye-ke wase utsi kubo: “Nami-ke ngingeke nginitjele kutsi loku ngikwenta ngamaphi emandla.”

Makho 11:32

Kodvwa nasingatsi: ‘Kubantfu,’ ngeke silunge.” Phela babesaba bantfu, ngobe bonkhe bebabambelele ekutseni Johane abengumphrofethi cobo.

Makho 12:1

Jesu wacala wakhuluma kubo ngemifanekiso watsi: “Bekukhona lenye indvodza leyahlanyela sivini sayo, yase iyasibiyela, ekhatsi kwaso yemba umgodzi wekuhlutela emagelebisi etjeni, yakha nenyango yekulindza; yase icashisa ngaso kubacashi, yona yahamba yaya kulelinye live.

Johane 3:10

Jesu waphendvula watsi: “Wena, ungumfundzisi waka-Israyeli. Pho, awukucondzi ngani loku?

Johane 9:27

Yaphendvula yatsi: “Kadze nginitjela solomane ningeva. Nifunelani kuphindze nive? Niyafuna yini nani kuba bafundzi bakhe?”

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

2 kubaseKorinthe 3:15

Yebo, kudzimate kube ngulamuhla, nakufundvwa tincwadzi taMosi, kuba shangatsi kukhona indvwangu lembonye tingcondvo tabo, baka-Israyeli.