Makho 11:23 - Siswati 1996 Bible

²³ Ngicinisile, ngitsi kini: Nome ngubani loyawutsi kulentsaba: ‘Cukuleka uyewuphonseka le elwandle,’ angangabati enhlitiyweni yakhe, kodvwa akholwa kutsi loko lasakushito kutakwenteka, uyakwentelwa kona.

Makho 11:23 Referencias Cruzadas

Tihlabelelo 37:4

Yenta Simakadze abe yinjabulo yakho, yena-ke utakupha lokufiswa yinhlitiyo yakho.

Matewu 14:13

Watsi kube Jesu ayive lendzaba, wesuka kuleyo ndzawo wakhwela sikebhe, wewela waya endzaweni lete bantfu afuna kuba yedvwana. Bantfu batsi kube bakuve loko, baphuma emitini yabo bamlandzela ngetinyawo.

Matewu 17:20

Jesu wabaphendvula watsi: “Kwentiwe kutsi nine ninekukholwa lokuncane, ngobe ngicinisile, ngitsi kini: Naningaba nekukholwa lokuncane lokungangenhlavu yendlulamitsi, ningatsi kulentsaba: ‘Suka la, uye lapha,’ ivele isuke. Kute lokungete kwenteka kini. [

Matewu 21:21

Jesu wabaphendvula watsi: “Ngicinisile, ngitsi kini: Naninekukholwa ningangabati, ngeke nente emkhiwaneni kuphela, kodvwa nome nitsi kulentsaba: ‘Cukuleka, uye ujikeke elwandle,’ kuyakwenteka.

Lukha 17:6

INkhosi yabaphendvula yatsi: “Kube beningaba nekukholwa lokungangenhlavu yendlulamitsi, beningatsi kulesihlahla: ‘Dzephuneka uyewumila elwandle!’ Besiyawunilalela.”

Johane 14:13

Ngiyakwenta nome ngabe yini leniyicelako egameni lami, kuze inkhatimulo yaBabe ibonakaliswe eNdvodzaneni.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.