Makho 11:13 - Siswati 1996 Bible

¹³ Wabona bucalu sihlahla semkhiwa sinemacembe, waya kuso ayewufuna emakhiwa. Watsi uyefika wakhandza kute, kungemacembe odvwa, ngobe bekungesiso sikhatsi semakhiwa.

Makho 11:13 Referencias Cruzadas

Isaya 5:2

Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

Makho 11:12

Ngakusasa nase babuya eBhetani, Jesu wativa asalambile.

Makho 11:14

Watsi kulesihlahla: “Sale kubate muntfu loyakudla emakhiwa la kuwe nanini.” Bafundzi bakhe bamuva nakasho njalo.

Lukha 10:31

Kwenteka kwendlula umphristi ehla ngaleyo ndlela; watsi kube ambone lomuntfu, wamgega.

Ruthe 2:3

Ngako-ke Ruthe wahamba wayawukhwimita emasimini emvakwebavuni. Kwenteka wangena ensimini leyayiyakaBowazi. Bowazi abewelusendvo lwaka-Elimeleki.

1 Samuweli 6:9

kodvwa niyicaphele. Nayikhuphuka icondza eveni lalo, kubheka ngaseBhethi Shemeshi, kuyakube nguye Simakadze lona losehlisele letinhlupho. Kodvwa nakungenjalo, siyawube sesiyati kutsi bekungesiso sandla sakhe lesi lesisehlisele letishayo; kumane kwasivelela nje.”