Makho 11:1 - Siswati 1996 Bible

¹ Batsi kube basondzele eJerusalema sebasedvute naseBhethifage neBhetani, ngaseNtsabeni Yemincumo, Jesu watfumela bafundzi bakhe lababili,

Makho 11:1 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

Zakhariya 14:4

Ngalelo langa tinyawo takhe tiyakuma etikweNtsaba Yemincumo, ngasemphumalanga kweJerusalema, bese kutsi leNtsaba Yemincumo ichekeke ekhatsi kusukela ngasemphumalanga kuye ngasenshonalanga, kwakheke sigodzi lesikhulu, incenye yalentsaba iyawukhweshela ngasenyakatfo, kutsi incenye lenye ikhweshele ngaseningizimu.

Matewu 21:17

Jesu waphuma kulelo dolobha wabashiya, waya eBhetani, lapho wefika walala khona.

Matewu 24:3

Watsi Jesu asehleti eNtsabeni Yemincumo, bafundzi bakhe beta kuye ngasense, batsi: “Sitjele kutsi letintfo tiyakwenteka nini, kuyakwentekani lokuyawukhombisa kutsi sesikhatsi sekubuya kwakho nekutsi sekuphela kwetikhatsi?”

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Makho 11:2

watsi kubo: “Hambani nize ningene edolobhaneni lelimacondzana nani; nitawukhandza kukhungwe litfole lembongolo, lelingazange seligitjelwe. Nifike nilikhumule, nililetse la.

Makho 13:3

Jesu abehleti eNtsabeni Yemincumo abhekene nelithempeli. BoPhetro, naJakobe, naJohane, na-Andreya bambuta babodvwana naye batsi:

Makho 14:13

Jesu watfumela bafundzi bakhe lababili watsi kubo: “Hambani niye edolobheni, niyawuhlangabetana nemuntfu etfwele imbita yemanti; nibomlandzela.

Makho 6:7

Wabita bafundzi labali-12 watsi abete kuye. Wabatfuma ngababili, wabanika emandla ekukhipha imimoya lemibi kubantfu.

Johane 8:1

Jesu wesuka lapho waya eNtsabeni Yemincumo.

Imisebenti yebaPhostoli 1:12

Baphostoli besuka eNtsabeni Yemincumo babuyela eJerusalema, kulibangana nje lelingaphansana kancane kwelikhilometha.