Makho 10:39 - Siswati 1996 Bible

³⁹ Batsi kuye: “Singakumela.” Jesu watsi kubo: “Yebo kona, lendzebe lengitayinatsa nani nitayinatsa; nangalombhabhatiso lengitawubhajatiswa ngawo nani nitawubhajatiswa ngawo.

Makho 10:39 Referencias Cruzadas

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Matewu 3:6

Wababhabhatisa emfuleni iJordane, bavuma tono tabo.

Makho 14:31

Kepha Phetro wagcizelela watsi: “Nome bangangibulala kanye nawe, mine ngeke ngikuphike.” Bafundzi bonkhe basho njalo.

Makho 14:36

Watsi: “Aba, Babe, konkhe kungenteka kuwe. Yendlulise kimi lendzebe yelusizi, noko kungayi ngentsandvo yami kodvwa kuye ngentsandvo yakho.”

Johane 13:37

Phetro watsi: “Nkhosi, kwanyalo kwalani kutsi ngikulandzele? Ngikulungele nekufa ngenca yakho!”

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Imisebenti yebaPhostoli 12:2

Wabulala Jakobe, umnakaboJohane, ngenkemba.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.