Makho 10:38 - Siswati 1996 Bible

³⁸ Kodvwa Jesu watsi kubo: “Anikwati lenikucelako. Nitakumela yini kuyinatsa lendzebe yelusizi lengitayinatsa nome kubhajatiswa ngalombhabhatiso lengitawubhajatiswa ngawo mine?”

Makho 10:38 Referencias Cruzadas

1 Emakhosi 2:22

Inkhosi Solomoni yaphendvula unina yatsi: “Umcelelani Abishagi, waseShunemu, kutsi abe ngumka-Adoniya? Ungamane sale umcelela bukhosi. Empeleni ungumnaketfu lomdzala, kantsi futsi na-Abiyatha, umphristi, kanye naJowabe, umsa waSeruya, bangakuye!”

Tihlabelelo 75:8

Ngobe esandleni saSimakadze kunendzebe, leneliwayini lelibile laze laloya; ulinatsisa bonkhe lababi bemhlaba baliminyele, ngisho nenseketse yalo.

Isaya 51:22

Naku lokushiwo yiNkhosi Simakadze, Nkulunkulu wakho, lovikela sive sakhe, utsi: “Uyabona, sengiyisusile esandleni sakho indzebe beyikwenta udzayitele; kuleyo ndzebe, ludziwo lwentfukutselo yami, ungeke uphindze unatse kuyo futsi.

Jeremiya 25:15

Naku-ke lokwashiwo nguSimakadze Nkulunkulu wema-Israyeli kimi, watsi: “Tsatsa lapha esandleni sami nansi inkomishi legcwele liwayini lentfukutselo yami, bese unatsisa tonkhe letive lengikutfumela kuto kutsi tilinatse.

Jeremiya 45:5

Pho, ungatifunela yini wena tintfo letinkhulu? Ungatifuni. Ngobe ngiyakwehlisela inhlekelele etikwabo bonkhe bantfu, kodvwa wena nome ngukuphi lapho uya khona, ngiyawukwenta uphunyule kanye nemphilo yakho, kusho Simakadze.’ ”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 3:6

Wababhabhatisa emfuleni iJordane, bavuma tono tabo.

Makho 14:36

Watsi: “Aba, Babe, konkhe kungenteka kuwe. Yendlulise kimi lendzebe yelusizi, noko kungayi ngentsandvo yami kodvwa kuye ngentsandvo yakho.”

Lukha 12:50

“Kunembhabhatiso lengitawemukela; maye, ngicindzetelekile, uyawudzimate wendlule!

Lukha 22:42

Watsi: “Babe, nawutsandza, susa kimi lendzebe yelusizi. Noko kungabi ngentsandvo yami, kodvwa akwenteke intsandvo yakho.”

Johane 18:11

Jesu watsi kuPhetro: “Buyisela inkemba yakho esikhwameni sayo! Kantsi angisete ngayinatsa yini lendzebe yelusizi lengiyinikwe nguBabe?”

KubaseRoma 8:26

Ngalokufanako Moya uyasisita ebutsakatsakeni betfu. Ngobe asati kutsi kufanele sithandaze kanjani; kodvwa Moya usincusela kuNkulunkulu ngekububula lokungeke kukhulumeke ngemavi.

YaJakobe 4:3

Niyacela ningaphiwa, ngobe nicela kabi, nicelela kutsi nikucitse etinkhanukweni tenu.