Makho 10:33 - Siswati 1996 Bible

³³ watsi: “Ase nilalele la, sesenyukela eJerusalema, iNdvodzana yeMuntfu itawunikelwa kubaphristi labakhulu nasetatini temtsetfo, batayilahla ngelicala kutsi ibulawe. Batayinikela kubetive.

Makho 10:33 Referencias Cruzadas

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Matewu 16:21

Kusukela lapho Jesu wacala wakhuluma ngalokusebaleni nebafundzi bakhe watsi: “Kufanele ngiye eJerusalema, ngiyewuhlushwa tibondza telibandla, nebaphristi labakhulu, nebafundzisi bemtsetfo. Ngitawubulawa, kodvwa ngelilanga lesitsatfu ngiyawuvuswa.”

Matewu 26:66

Nine nitsini-ke?” Baphendvula batsi: “Kufanele afe!”

Matewu 27:2

Bambopha, bamtsatsa, bammikisa kuLusibalukhulu Philatu.

Makho 14:64

Nikuvile kuhlambalata kwakhe. Nitsini-ke nine?” Bonkhe bamlahla ngelicala, batsi kufanele abulawe.

Makho 15:1

Kwanelela kwasa nje kwabutsana lonkhe Liqoqo, baphristi labakhulu, netibondza, netati, kanye nalamanye emalunga alo, bahlanganisa inkhulumo. Babopha Jesu bamchuba bayawumetfula kuPhilatu.

Makho 8:31

Jesu watjela bafundzi bakhe kutsi iNdvodzana yemuntfu ifanele kuhlushwa ngalokunyenti, ilahlwe natibondza telibandla, nebaphatsi bebaphristi, netati temtsetfo, ibulawe, ivuke emvakwemalanga lamatsatfu.

Makho 9:12

Jesu wabaphendvula watsi: “Vele, Elija uyabuya kutawubuyisela tonkhe tintfo ngabolonina. Pho, isho kutsini imiBhalo nayitsi iNdvodzana yeMuntfu ifanele kuhlushwa ngetintfo letinyenti, yedzelelwe?

Makho 9:31

Jesu wabafundzisa bafundzi bakhe atsi: “INdvodzana yeMuntfu itawuniketwa etandleni tebantfu. Bona batayibulala. Nase bayibulele itawuvuka ngelilanga lesitsatfu.”

Lukha 23:21

kodvwa saphendvula ngekumemeta satsi: “Mbetsele! Mbetsele esiphambanweni!”

Lukha 9:22

wachubeka watsi: “INdvodzana yeMuntfu ifanele kuhlupheka kakhulu, ilahlwe tibondza tenkholo, nebaphristi labakhulu nebafundzisi bemtsetfo. Iyawubulawa, ivuswe ekufeni ngelilanga lesitsatfu.”

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 18:32

Loku kwenteka kuze kutewugcwaliseka livi laJesu lalisho, nakachaza indlela labetawufa ngayo.

Johane 19:11

Jesu wamphendvula watsi: “Ngabe kawunamandla etikwami kube bewungakawabelwa ngetulu. Kepha lona longinikele kuwe nguye lonelicala lelikhulu.”

Imisebenti yebaPhostoli 13:27

Bantfu labahlala eJerusalema nebaholi babo abazange bati kutsi Jesu unguMsindzisi, abevanga nemavi ebaphrofethi labawafundza njalo ngemaSabatha, kepha bawagcwalisa ngekubulala Jesu.

Imisebenti yebaPhostoli 20:22

“Manje-ke ngekulalela Moya Longcwele sengiya eJerusalema, kodvwa angati kutsi kutakwentekani kimi khona.

YaJakobe 5:6

Nimlahlile nambulala umuntfu lolungile; kantsi akamelani nani.