Makho 10:11 - Siswati 1996 Bible

¹¹ Watsi kubo: “Lowo lodivosa umkakhe bese utsatsa lomunye umfati, unelicala kumkakhe lekuphinga.

Makho 10:11 Referencias Cruzadas

Matewu 19:9

Kodvwa ngitsi kini: Wonkhe umuntfu lodivosa umkakhe ngaphandle kwanakaphingile, bese ushada lomunye umfati, uyaphinga; naloshada umfati lodivosiwe uyaphinga.”

Makho 10:10

Sebasendlini, bafundzi bakhe bambuta futsi ngalendzaba.

Lukha 16:18

“Nangabe indvodza idivosa umkayo bese iteka lomunye umfati, iyaphinga; nendvodza letsatsa umfati lodivosiwe, iyaphinga.”

KubaseRoma 7:3

Ngako-ke, umfati nakahlala nalenye indvodza, kantsi indvodza yakhe isaphila, ubitwa ngekutsi yingwadla. Kodvwa nakufa lendvodza yakhe, ngekwemtsetfo sewungumfati lokhululekile, futsi angeke abitwe ngekutsi yingwadla, nome angendza kulenye indvodza.

1 kubaseKorinthe 7:4

Umfati ute emandla etikwemtimba wakhe, kepha yindvodza yakhe lenawo; nendvodza ite emandla etikwemtimba wayo, kepha ngumfati wayo lonawo.

Dutheronomi 24:2

Nangabe lomfati utsite nasesukile kulelikhaya, wase ushada nalenye indvodza,

KumaHebheru 13:4

Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.