Makho 1:7 - Siswati 1996 Bible

⁷ Abeshumayela atsi: “Kukhona lota emvakwami, lonemandla kakhulu kunami. Mine angikafaneli nekutsi ngigobondzele ngitfukulule imichilo yeticatfulo takhe.

Makho 1:7 Referencias Cruzadas

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Matewu 3:14

Kepha Johane wetama kumalela atsi: “Ngimi lengidzinga kubhajatiswa nguwe, wena sewute kimi?”

Makho 1:6

Johane abembatsa ingubo leyayentiwe ngeboya belikamela atibophe ngelibhande lesikhumba elukhalweni, abedla tintsetse neluju lwetinyosi tesiganga.

Makho 1:8

Mine benginibhabhatisa ngemanti, kepha yena utanibhabhatisa ngaMoya Longcwele.”

Lukha 3:16

Ngako Johane wabatjela bonkhe watsi: “Nginibhabhatisa ngemanti, kodvwa kukhona lomkhulu kunami lotako, lengingakafaneli ngisho nekutfukulula imichilo yeticatfulo etinyaweni takhe. Utakunibhabhatisa ngaMoya Longcwele nangemlilo.

Johane 1:27

Yena lowo lotako emvakwami, mine angikafaneli ngisho nekutfukulula imichilo yeticatfulo takhe.”

Imisebenti yebaPhostoli 13:25

Johane nasatawucedza umsebenti wakhe, watsi kubantfu: ‘Nicabanga kutsi ngingubani mine? Angisiye lona lenimlindzele. Kepha bukani la! Yena uta emvakwami, mine angikafaneli ngisho kumkhumula ticatfulo takhe etinyaweni.’

Imisebenti yebaPhostoli 19:4

Pawula watsi: “Phela Johane abebhabhatisa bantfu lababephendvuka, abatjela kutsi abakholwe ngulowo labetawufika emvakwakhe, longuJesu.”

1 Samuweli 25:41

Abigayili wakhotsama abhekise buso bakhe phansi, watsi: “Nansi incekukati yakho, ilungele kukukhonta, nekugeza tinyawo tetinceku tenkhosi yami.”