Makho 1:19 - Siswati 1996 Bible

¹⁹ Jesu watsi nasachubachubekile, wakhandza boJakobe naJohane, emadvodzana aZebedi. Bebasesikebheni balungisa emanetha abo.

Makho 1:19 Referencias Cruzadas

Matewu 4:21

Asachubeka lapho, wabona letinye telamani letimbili, boJakobe naJohane, emadvodzana aZebedi, lababesesikebheni naZebedi, uyise, bachibela emanetha abo, wababita.

Makho 1:18

Masinyane bashiya emanetha abo, bamlandzela.

Makho 1:20

Watsi kube ababone Jesu, wababita nabo, base bayamlandzela, bashiya uyise, Zebedi, asesikebheni kanye netisebenti labeticashile.

Makho 10:35

BoJakobe, naJohane, emadvodzana aZebedi, basondzela kuJesu batsi: “Mfundzisi, kukhona lesicela kutsi usentele kona.”

Makho 14:33

Watsatsa boPhetro, naJakobe, naJohane, wachubachubeka nabo. Wafikelwa ngumunyu nekudzabuka nekwesaba,

Makho 3:17

boJakobe naJohane, emadvodzana aZebedi, labetsa watsi boBhowanegese, lokusho kutsi “Emadvodzana Ekudvuma Kwelitulu”;

Makho 5:37

Jesu wesuka lapho wahamba; wabalela bonkhe kutsi bamlandzele, ngaphandle kwaboPhetro, naJakobe, naJohane, umnakaboJakobe.

Makho 9:2

Emvakwemalanga lasitfupha Jesu watsatsa boPhetro, naJakobe, naJohane, wenyukela nabo entsabeni lendze, baba bodvwana. Wagucuka lesinye simo bambukile.

Johane 21:2

Simoni Phetro, naTomase, lotsiwa liPhahla, naNathanayeli waseKhana laseGalile, nemadvodzana aZebedi, nalabanye bafundzi baJesu lababili, bonkhe laba babendzawonye.

Imisebenti yebaPhostoli 1:13

Sebefikile eJerusalema baya bangena endlini leyayisetulu lapho babengenise khona. BekuboPhetro, naJohane, naJakobe, na-Andreya, naFiliphu, naTomase, naBhatalomewu, naMatewu, naJakobe, umsa wa-Alfiyose, naSimoni labekatiwa ngekutsi ngumZelothi kanye naJudasi, umsa waJakobe.

Imisebenti yebaPhostoli 12:2

Wabulala Jakobe, umnakaboJohane, ngenkemba.