Makho 1:13 - Siswati 1996 Bible

¹³ Kwaphela emalanga langema-40 asehlane, alingwa nguSathane. Jesu bekahlala emkhatsini wetilwane tesiganga. Tingilosi tatimsita kuloko labekudzinga.

Makho 1:13 Referencias Cruzadas

Eksodusi 24:18

Mosi wangena kulelifu, wenyuka waya entsabeni. Wahlala lapho emalanga langema-40 kanye nebusuku bawo.

Eksodusi 34:28

Mosi wahlala naSimakadze emalanga langema-40 nebusuku bawo; abengadli anganatsi. Wawabhala kuletibhelekeca tematje emavi alesivumelwane, laba ngimiyalo lelishumi.

Matewu 26:53

Ucabanga kutsi bengingete ngacela yini mine kuBabe angehlisele tinkhulungwane letingetulu kweli-12 tetingilosi?

Matewu 4:1

Khona lapho nje Jesu waholelwa nguMoya waNkulunkulu ehlane, kuze atewulingwa nguSathane.

Lukha 4:1

Jesu wabuya eJordane, asagcwele Moya Longcwele. Moya Longcwele wamholela ehlane,

Dutheronomi 9:11

Ekupheleni kwalamalanga langema-40 nebusuku lobungema-40, Simakadze wanginika letibhelekeca letimbili tematje, lekwakutibhelekeca tesivumelwane.

Dutheronomi 9:18

“Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.

Dutheronomi 9:25

“Ngawa phansi ngakhotsamisa buso bami embikwaSimakadze kuwo onkhe lamalanga langema-40 nebusuku lobungema-40, ngobe Simakadze abetsite utanibhubhisa.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.