Lukha 9:5 - Siswati 1996 Bible

⁵ Lapho banganemukeli khona lishiyeni lelo dolobha, nitsintsitse lutfuli etinyaweni tenu, kuze kube bufakazi bekunala kwabo.”

Lukha 9:5 Referencias Cruzadas

Nehemiya 5:13

Ngesuka lapho ngakhumula libhande lelaliselukhalweni lwami ngalivitsita, ngitsi: “Shangatsi Nkulunkulu angamphatsa kanjena-ke wonkhe umuntfu longenakusigcina lesetsembiso sakhe. Shangatsi lowo muntfu angaphundleka adzimate asale angenalutfo!” Kuloko, lababekhona lapho bananatela, ngekutsi: “Amen!” badvumisa Simakadze. Bantfu benta njengobe babefungile.

Matewu 10:18

Niyawumiswa embikwebabusi nemakhosi ngelibito lami, kuze kube bufakazi kubo nakubetive.

Makho 6:11

Nakukhona lapho banganemukeli khona bangavumi nekunilalela, nibobashiya nihambe, nitsintsitse lutfuli etinyaweni tenu, kuze kube bufakazi bekunala kwabo.”

Makho 9:37

“Lowo lowemukela lomunye walabantfwana egameni lami, wemukela mine; nalowo lowemukela mine, akemukeli mine kuphela, kodvwa wemukela nalowo longitfumile.”

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Lukha 5:14

Jesu wayiyalisisa kutsi ingatjeli muntfu, kodvwa yente umyalo waMosi ngekutsi iyewutibonakalisa kumphristi, yente nemnikelo wekuhlambuluka kwayo, kuze kube bufakazi kubantfu.

Lukha 9:4

Lapho banemukela khona, hlalani kulelo khaya nize nihambe kulelo dolobha.

Lukha 9:48

Wase utsi kubo: “Umuntfu lowemukela lomntfwana ngelibito lami, wemukela mine; nalowo lowemukela mine, wemukela lowo longitfumile. Ngobe lowo lomncane kakhulu kunani nonkhe, nguye lomkhulu kunani nonkhe.”

Imisebenti yebaPhostoli 13:51

Baphostoli batsintsitsa lutfuli lwetinyawo tabo bachubekela e-Ikhoniyumi.

Imisebenti yebaPhostoli 18:6

Batsi nabamphikisa bangavumelani naye bametfuka, watsintsitsa lutfuli etingutjeni takhe wase utsi kubo: “Ingati yenu ayibesemahlombe enu, mine sengite licala. Kusukela nyalo sengitakuya kubetive.”