Lukha 9:41 - Siswati 1996 Bible

⁴¹ Jesu waphendvula watsi: “Yehheni, nine situkulwane lesonakele nalesingakholwa, ngiyawuhlala nani kuze kube ngunini nginibeketelela? Mletse lapha lomsa wakho.”

Lukha 9:41 Referencias Cruzadas

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

Tihlabelelo 78:8

bangenti njengobe kwenta bokhokho lekwakusitukulwane lesinenkhani nalesihlubukako, situkulwane lesite inhlitiyo lenebucotfo, nalesasinemoya longaketsembeki kuSomandla.

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 16:28

Simakadze wakhuluma kuMosi watsi: “Kuyawuze kube ngunini nala kugcina imiyalo nemitsetfo yami?

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Numeri 14:11

Simakadze wakhuluma kuMosi, watsi: “Labantfu batawuchubeka nekungedzelela kuze kube ngunini? Batakwala kukholwa ngimi kuze kube ngunini, etikwaletibonakaliso temimangaliso lengitente kubo?

Numeri 14:27

“Kutawuze kube ngunini lesive lesikhohlakele singisola? Sengikuvile kusola kwalama-Israyeli lakhononako.

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Matewu 12:39

Kepha yena waphendvula watsi: “Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha singeke sisitfole ngisho nasinye, ngaphandle kwesibonakaliso saJona, umphrofethi.

Matewu 12:45

ubese uyahamba ulandze leminye imimoya lesikhombisa lemibi kakhulu kunawo, ite ingene ihlale khona. Ngako siphetfo salowo muntfu siyawuba sibi kakhulu kunesimo sakhe sekucala. Kuyawuba njalo nakulesitukulwane lesibi.”

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Matewu 17:17

Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 23:36

Ngicinisile, ngitsi kini: Konkhe loku kuyakwehlela etikwalesitukulwane.”

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Makho 10:14

Kodvwa watsi kube akubone loko Jesu, watfukutsela watsi kubo: “Vumelani bantfwana bete kimi, ningabavimbeli, ngobe umbuso waNkulunkulu walabanjalo.

Makho 10:49

Jesu wema watsi: “Mbiteni.” Bayibita lemphumphutse, batsi: “Ungesabi, sukuma, uyakubita Jesu.”

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Lukha 8:25

Wase utsi kubo: “Kuphi kukholwa kwenu?” Besaba bamangala, badzimate bakhulumisana bodvwana batsi: “Ngubani kantsi lona, ngobe ukhalimela umoya nemanti kumlalele?”

Lukha 9:40

Ngancenga bafundzi bakho kutsi bawukhiphe lomoya, kodvwa behluleka.”

Lukha 9:42

Watsi naketa lomfana, lidimoni lamjika phansi, waba nesitfutfwane. Jesu wawekhuta lomoya lomubi, wamphilisa lomfana, wase umbuyisela kuyise.

Johane 14:9

Jesu watsi kuye: “Senginesikhatsi lesidze nginani, kodvwa nanyalo awukangati, Filiphu? Lowo losabone mine, umbonile naBabe. Usho kanjani kutsi: ‘Sibonise uYihlo’?

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

Imisebenti yebaPhostoli 13:18

Wababeketelela ehlane iminyaka lengema-40.

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

KubaseRoma 2:4

Kumbe uyayedzelela yini ingcebo yemusa wakhe, nekubeketela kwakhe, nekumela bulukhuni kwakhe? Awati yini kutsi umusa waNkulunkulu nguwo lokuholela ekuphendvukeni?

Dutheronomi 32:5

Bonile kuye, batindlisamahloni. Ngako-ke abasesibo bantfwana bakhe, kodvwa situkulwane lesesigwegwile, nalesintsamo yaso ishwilekile.

KumaHebheru 3:19

Siyabona-ke kutsi abazange bangene kuko ngenca yekungakholwa kwabo.

KumaHebheru 4:11

Ngako-ke asikhutsalele kungena kuloko kuphumula, kubete lowehluleka ngenca yekungalaleli njengabo.

KumaHebheru 4:2

LiVangeli lishunyayelwe kitsi, njengobe lashunyayelwa nakulabo bakadzeni. Kodvwa lelivi labaliva alizange libasite; ngobe naloku baliva ngetindlebe nje abazange balikholwe ngetinhlitiyo.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.