Lukha 9:22 - Siswati 1996 Bible

²² wachubeka watsi: “INdvodzana yeMuntfu ifanele kuhlupheka kakhulu, ilahlwe tibondza tenkholo, nebaphristi labakhulu nebafundzisi bemtsetfo. Iyawubulawa, ivuswe ekufeni ngelilanga lesitsatfu.”

Lukha 9:22 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Matewu 17:12

Kepha ngitsi kini: Elija sewefika, kuphela nje kutsi bantfu abazange bamati, kodvwa benta kuye konkhe labakutsandzako. Kanjalo-ke neNdvodzana yeMuntfu iyawuhlushwa ngabo.”

Matewu 17:22

Ngesikhatsi baseseGalile, Jesu watsi kubo: “INdvodzana yeMuntfu itawunikelwa etandleni tebantfu;

Matewu 27:63

batsi kuye: “Nkhosi, siyakhumbula kutsi lomkhohlisi asaphila watsi: ‘Ngiyawuvuka emvakwemalanga lamatsatfu.’

Makho 8:31

Jesu watjela bafundzi bakhe kutsi iNdvodzana yemuntfu ifanele kuhlushwa ngalokunyenti, ilahlwe natibondza telibandla, nebaphatsi bebaphristi, netati temtsetfo, ibulawe, ivuke emvakwemalanga lamatsatfu.

Makho 9:31

Jesu wabafundzisa bafundzi bakhe atsi: “INdvodzana yeMuntfu itawuniketwa etandleni tebantfu. Bona batayibulala. Nase bayibulele itawuvuka ngelilanga lesitsatfu.”

Lukha 17:25

Kodvwa kwekucala ifanele ihlupheke kakhulu ilahlwe bantfu balesitukulwane.

Lukha 24:26

Kwakungadzingeki yini kutsi loKhristu ahlupheke ngalendlela bese ungena ebukhosini bakhe?”

Lukha 24:44

Wase utsi kubo: “Ngito-ke letintfo lenganginitjela tona ngisenani, kutsi konkhe lokubhaliwe ngami emtsetfweni waMosi, nasemiBhalweni yebaphrofethi, naseTihlabelelweni bekufanele kugcwaliseke.”

Lukha 24:7

‘INdvodzana yeMuntfu kufanele inikelwe etandleni tetoni, ibetselwe esiphambanweni, bese iyavuswa ngelilanga lesitsatfu.’ ”

Lukha 9:44

“Ningabokukhohlwa naku lengitanitjela kona! INdvodzana yeMuntfu itawunikelwa etandleni tebantfu.”

1 kubaseKorinthe 15:4

nekutsi wembelwa, wabuye wavuswa kulabafile ngelilanga lesitsatfu, njengaloku yayivele ishito imiBhalo,

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.