Lukha 8:6 - Siswati 1996 Bible

⁶ Lenye yawela emhlabatsini losemadvwaleni, yashesha yamila, kodvwa yashesha yaphelelwa ngemandla yabuna, ngobe yayingenawo umhlabatsi lonemswakama.

Lukha 8:6 Referencias Cruzadas

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 36:26

Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Lukha 8:13

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

Lukha 8:5

“Umhlanyeli waphuma wayawuhlanyela inhlanyelo yakhe. Ekuhlanyeleni kwakhe lenye inhlanyelo yakhe yawela endleleni, lapho yanyatselwa khona bantfu, kwafika netinyoni tayidla.

Lukha 8:7

Lenye yawela emanyeveni, yakhula kanye nawo, ase ayayiminyetela.

KumaHebheru 3:15

UmBhalo usitjela utsi: “Lamuhla, naniliva livi lakhe, ningatenti tibe lukhuni tinhlitiyo tenu, njengalokwa nimelana naye.”