Lukha 8:44 - Siswati 1996 Bible

⁴⁴ wasondzela emvakwaJesu; wafike watsintsa umphetfo wengubo yaJesu, kopha kwaphela khona lapho konkhe swe!

Lukha 8:44 Referencias Cruzadas

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 20:34

Jesu watihawukela, watsintsa emehlo ato, tabona masinyane, tase tiyamlandzela.

Matewu 8:3

Jesu welula sandla, wamtsintsa watsi: “Ngiyatsandza, hlambuluka!” Nembala wahlambuluka masinyane ebulephelweni bakhe.

Matewu 9:20

Bekukhona umfati lotsite labenesifo sekopha, sesimgulise iminyaka leli-12. Weta ngemvakwaJesu, watsintsa umphetfo wengubo yakhe,

Makho 6:56

Yonkhe indzawo lapho abeya khona Jesu emitini, nasemadolobheni, nasemaphandleni, babeletsa kuye tigulane etimakethe. Tamncenga kutsi sale avuma kutsi titsintse umphetfo wengubo yakhe. Nembala tonkhe letawutsintsa taphila.

Lukha 13:13

Wambeka tandla, masinyane umfati weluleka waphila, wadvumisa Nkulunkulu.

Lukha 7:38

wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

Lukha 8:43

Umfati labesagule iminyaka leli-12 opha asacedze imali yakhe yonkhe aya etinyangeni, setehluleke tonkhe,

Lukha 8:45

Jesu wabuta watsi: “Ngubani longitsintsile?” Bonkhe batilandvula, kodvwa Phetro watsi: “Mfundzisi, kufanele, ngobe bantfu banyenti labakukakile nalabakuminyetele!”

Johane 5:13

Kodvwa lendvodza lebeyiphilisiwe beyingamati kutsi ngubani, ngobe bekunesicumbi sebantfu kuleyo ndzawo, futsi naJesu abesahambile.

Imisebenti yebaPhostoli 19:12

kwakuze kutsi emaduku netidziya letike tamtsintsa timikiswe kulabagulako tifo tibayekele, nemimoya lemibi iphume kubo.

Imisebenti yebaPhostoli 5:15

Ngemiphumela yaloku, lokwakwentiwa baphostoli, labagulako babetfwalwa ngemibhedze nangemacansi babekwe emigwacweni kuze kutsi loPhetro nakendlula, mane nje sitfunti sakhe sihambe etikwabo.

Dutheronomi 22:12

“Sembatfo losembatsako emakoneni aso omane ubositfungela timvakaza.”