Lukha 8:39 - Siswati 1996 Bible

³⁹ “Buyela ekhaya ubatjele ngaloko Nkulunkulu lakwentele kona.” Lendvodza yahamba kuso sonkhe leso sigodzi, ihamba ilandzisa bantfu ngaloko Nkulunkulu labesayentele kona.

Lukha 8:39 Referencias Cruzadas

Tihlabelelo 66:16

Wotani nonkhe nitewuva, nonkhe nine lenesaba Nkulunkulu, ngitanitjela ngako konkhe langentele kona.

Makho 1:45

Kepha lomuntfu wahamba ayifafata lendzaba, yandza kakhulu, kangangekutsi Jesu abengasakhoni kungena nakulinye nje lidolobha abonwa bantfu. Abesatihlalela emaphandleni nje, kepha bantfu labanyenti babeta kuye bachamuka magangana onkhe.

Makho 5:18

Kwatsi Jesu nakakhwela esikebheni, lendvodza lebeyinemadimoni yacela kuJesu kutsi ihambe naye.

Makho 5:19

Kepha Jesu wala, watsi kuyo: “Buyela ekhaya kubantfu bakini, ubatjele kutsi iNkhosi ikwentele tintfo letinkhulu kangakanani, nekutsi ikuhawukele kanjani.”

Lukha 8:38

Lendvodza lekwakukhishwe kuyo emadimoni yancusa Jesu yatsi: “Ngicela ngisale sengihamba nawe.” Kodvwa Jesu wamhambisa watsi:

Lukha 8:40

Sicuku sebantfu samhlangabeta Jesu nasabuya, ngobe bonkhe babelindzele yena.

Johane 4:29

“Wotani nitewungibonisa umuntfu longitjele konkhe lengake ngakwenta. Kungete kwaba nguye yini Khristu?”

Dutheronomi 10:21

LoNkulunkulu nguye loludvumo lwenu, nguye lowanentela leto tintfo letinkhulu netimangaliso letesabekako, lenatibonela nine ngewenu emehlo.

1 kuThimothi 5:8

Kepha nangabe umuntfu anganakekeli tihlobo takhe, ikakhulu umndeni wakhe, sewukulahlile kukholwa; futsi loko kwenta kwakhe kubi kakhulu kunekwemuntfu longakholwa.