Lukha 8:32 - Siswati 1996 Bible

³² Kwakunetingulube letinyenti edvute, tidla eceleni lentsaba. Emadimoni amncenga Jesu kutsi amane awavumele angene etingulubeni; wawavumela.

Lukha 8:32 Referencias Cruzadas

1 Emakhosi 22:22

“Simakadze wawubuta watsi: ‘Kanjani?’ “Umoya waphendvula watsi: ‘Ngitawuphuma ngibe ngumoya wemanga emlonyeni wabo bonkhe baphrofethi bakhe.’ “Simakadze watsi: ‘Cha, wena-ke utawuphumelela kumhunga nembala. Hamba, wente njalo.’

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Jobe 1:12

Simakadze wakhuluma kuSathane, watsi: “Kulungile, konkhe lanako kusetandleni takho, kodvwa ungasibeki sandla sakho emtimbeni wakhe.” Ngako Sathane wahamba, wesuka kuSimakadze.

Jobe 2:6

Simakadze wakhuluma kuSathane, watsi: “Kulungile phela, usetandleni takho; kodvwa ungambulali.”

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Isaya 65:4

labahlala emkhatsini wemadliza, bacitse busuku babo emilindzelweni leyimfihlo, badle inyama yetingulube, nemabhodo abo aphatse bubendze benyama lengcolile ngekwemtsetfo,

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Levithikusi 11:7

Ningayidli ingulube. Ingcolile, ngobe nome tinselo tayo tehlukene, kodvwa ayihlabuli.

Matewu 7:6

“Ningatiniki tinja lokungcwele, ningawalahli etihhontjini ematje enu laligugu, funa tiwagcobagcobe ngetinselo tato, bese tigucukela kini tiyanidzabudzabula.”

Lukha 8:31

Emadimoni abese ancenga Jesu kutsi amane angawatfumeli emgodzini longenamkhawulo.

Lukha 8:33

Aphuma-ke emadimoni kulendvodza angena etingulubeni; tonkhe tingulube tesuka ngematubane tewusa sihosha taye tatitsela ekhatsi eLwandle lwaseGalile, tacwila tonkhe tafa.

Johane 19:11

Jesu wamphendvula watsi: “Ngabe kawunamandla etikwami kube bewungakawabelwa ngetulu. Kepha lona longinikele kuwe nguye lonelicala lelikhulu.”

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.

Sembulo 20:7

Kuyawutsi kube kuphele iminyaka leyinkhulungwane, Sathane uyawukhululwa ekuboshweni kwakhe.