Lukha 8:24 - Siswati 1996 Bible

²⁴ Baya kuye bafike bamvusa batsi: “Mfundzisi, Mfundzisi, sesiyafa!” Waphaphama wase uyasikhalimela lesivunguvungu nemagagasi; kwabindza, kwaba khona kuthula.

Lukha 8:24 Referencias Cruzadas

Tihlabelelo 65:7

Ubindzisa kudvuma kwetilwandle, uthulise kugubha nekuhlokoma kwemagagasi, ubindzise siphitsiphitsi lesicokotelisa tive.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Matewu 14:30

Kodvwa watsi kube abone umoya kutsi unemandla, wesaba; asacwila wakhala watsi: “Nkhosi! Ngisindzise!”

Matewu 8:25

Bafundzi baya kuye bayakumvusa batsi: “Nkhosi, sisindzise! Sesiyafa!”

Makho 4:39

Wavuka wekhuta lomoya watsi kulolwandle: “Thula, utsi nya!” Umoya wakhawula khona lapho, kwathula kwatsi nya.

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

Lukha 4:39

Jesu waya kuye, wafike wema eceleni kwembhedze wakhe wawekhuta lomkhuhlane; umkhuhlane waphela masinyane kuye, wasukuma khona lapho wayawubalungisela labakudzingako.

Lukha 5:5

Simoni waphendvula watsi: “Mfundzisi, sishikaneke busuku bonkhe lapha, kodvwa asikabambi lutfo, noko njengobe sekushito wena ngitalicwilisa linetha lami.”

Lukha 8:25

Wase utsi kubo: “Kuphi kukholwa kwenu?” Besaba bamangala, badzimate bakhulumisana bodvwana batsi: “Ngubani kantsi lona, ngobe ukhalimela umoya nemanti kumlalele?”