Lukha 7:7 - Siswati 1996 Bible

⁷ ngako-ke, ngitikhandza ngingakafaneli nekutsi ngite kuwe. Mane usho livi nje, sisebenti sami sitawuphila.

Lukha 7:7 Referencias Cruzadas

Tihlabelelo 107:20

Wakhipha umyalo wakhe, wabaphilisa, wabenta bagejwa kufa.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Makho 1:27

Bonkhe bantfu bamangala betfuka, kangangoba badzimate babutana bodvwana batsi: “Seyini-ke le? Yimfundziso lensha lenemandla. Kantsi nemadimoni uyawekhuta amlalele!”

Lukha 4:36

Bantfu betfuka bonkhe, bakhuluma bodvwana batsi: “Livi lini leli? Ngeligunya nangemandla lamakhulu lomuntfu ukhalimela imimoya lemibi iphume.”

Lukha 5:13

Jesu welula sandla sakhe wayitsintsa watsi: “Ngiyatsandza; hlambuluka.” Ngekushesha bulephelo besuka kuyo.

Lukha 7:6

Ngako Jesu wahamba nabo. Watsi nase asedvute nalapho ihlala khona lendvuna, yatfumela bangani bayo kuJesu kutsi bafike batsi: “Nkhosi, ungatihluphi ngekuta lapha. Angikafaneli nekutsi ngingakungenisa nasemtini wami,

Lukha 7:8

Nami ngiyindvuna lephetfwe ngulabakhulu, nginemabutfo lengiwaphetse, ngitsi kulelinye: ‘Hamba!’ lihambe; ngitsi kulelinye: ‘Wota!’ lite; ngitsi esigcilini sami: ‘Yenta naku!’ sikwente.”

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

1 Samuweli 2:6

Simakadze uyabulala, aphindze aphilise. Wehlisela phansi emadlizeni, aphindze akhuphulele ngetulu.