Lukha 7:38 - Siswati 1996 Bible

³⁸ wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

Lukha 7:38 Referencias Cruzadas

Genesisi 18:4

Ase nginiletsele liyakana lemanti nitewugeza tinyawo tenu, bese niphumula la emtfuntini walesihlahla.

Ezra 10:1

Watsi Ezra asathandaza, avuma tono akhala, atijika phansi embikwendlu yaNkulunkulu, sicumbi lesikhulu sema-Israyeli, emadvodza, nebafati kanye nebantfwana sabutsana kuye samtungeleta. Naso sasikhala kakhulukati.

Tihlabelelo 38:18

Ngiyalivuma licala lekona kwami, ngidzabukile ngenca yesono sami.

Tihlabelelo 51:17

Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.

Umshumayeli 9:8

Tembatfo takho atihlale timhlophe, nenhloko yakho ihlale igcotjiswe ngemafutsa enjabulo.

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Isaya 57:9

Waya kuMoloki nemafutsa emncumo, wandzisa emakha akho. Watfumela emancusa akho khashane, wehlela edlizeni cobo lwalo!

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Matewu 5:4

Babusisiwe labakhalako, ngobe bayawudvudvutwa.

Lukha 22:62

Phetro waphumela ngephandle wafike wakhala kabuhlungu kakhulu.

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Lukha 7:37

Kulelo dolobha bekunemfati labephila imphilo lengcolile; wase uyeva kutsi Jesu usadla endlini yemFarisi, ngako weta nemakha agcwele libhodlela lelalakhiwe ngembiza,

Lukha 7:39

Nakabona loko lomFarisi lobekameme Jesu, watsi enhlitiyweni yakhe: “Kube lomuntfu ungumphrofethi ngempela, ngabe uyati kutsi ungubani lomfati lomtsintsako. Ngabe uyati kutsi uphila imphilo leyonakele kangakanani.”

Johane 11:2

LoMariya bekungulona lowagcobisa tinyawo teNkhosi ngemakha watesula ngetinwele takhe. LoLazaro labegula-ke bekungumnakabo.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.