Lukha 7:34 - Siswati 1996 Bible

³⁴ INdvodzana yeMuntfu yase iyefika, yona-ke yadla yanatsa, nase nitsi: ‘Ase nibheke! Lomuntfu usimiti nemnatsi, futsi ungumngani webatselisi netoni.’

Lukha 7:34 Referencias Cruzadas

Matewu 11:19

INdvodzana yeMuntfu yona yefika, yadla yanatsa, base batsi: ‘Ase nibheke, nansi indvodza! Simiti nemnatsi weliwayini, kantsi futsi ungumngani webatselisi netoni!’ Noko, kuhlakanipha kwaNkulunkulu kubonakala kuliciniso ngemiphumela yako.”

Matewu 5:46

Kambe nanitsandza labanitsandzako, ninamvuzo muni? Abenti njalo yini nebatselisi?

Matewu 9:11

BaFarisi nababona loku, base batsi kubafundzi bakhe: “Kwentiwa yini kutsi lomfundzisi wenu adle kanye nebatselisi netoni?”

Lukha 11:37

Jesu nasacedze kukhuluma, lomunye umFarisi wammema kutsi ayewudla kakhe; waya, wafike wadla.

Lukha 14:1

Ngalelinye liSabatha Jesu abeyewudla emtini walesinye siphatsimandla selicembu lebaFarisi, bantfu bebacaphelisisile kutsi Jesu utakwentani.

Lukha 15:2

Kodvwa baFarisi netati temtsetfo tahhingatela tatsi: “Lomuntfu wemukela tilahlwa abuye futsi adle nato!”

Lukha 19:7

Bantfu labakubona loko bacala bavungama basola batsi: “Hhawu-u, lomuntfu bekasivakashi emtini walesoni!”

Lukha 5:29

Levi wase wentela Jesu lidzili lelikhulu endlini yakhe, kwaba nebatselisi nebantfu labanyenti lababehleti nabo lapho.

Lukha 7:33

“Johane uMbhabhatisi wazila kudla wangete wanatsa neliwayini, nase nitsi: ‘Unelidimoni!’

Lukha 7:35

Noko inhlakanipho yaNkulunkulu ibonakaliswa iliciniso kulabo labayemukelako.”

Lukha 7:36

Jesu wamenywa ngumFarisi kutsi ete atewudla ekhaya kakhe. Nangempela Jesu waya wafike wadla.

Johane 12:2

Base bamentela kudla khona lapho. Mata abephakela kudla, Lazaro angulomunye walababedla naJesu.

Johane 2:2

Kulowo mshado Jesu abemenywe kanye nebafundzi bakhe.