Lukha 7:22 - Siswati 1996 Bible

²² Titfunywa taJohane watiphendvula watsi: “Ncandzekani nifike nimtjele konkhe lenikubone kwenteka nalenikuvile kukhulunywa: Timphumphutse tiyabona, tinchute netishosha tiyahamba, emalephelo ayaphiliswa, tihhulu tiyeva, labafile bayavuswa, neliVangeli liyashunyayelwa etimphuyeni.

Lukha 7:22 Referencias Cruzadas

Jobe 29:15

Ngangingemehlo etimphumphutse, netinyawo talabatishosha.

Tihlabelelo 146:8

Simakadze uvula emehlo etimphumphutse, Simakadze uyabaphakamisa labatfotjisiwe, Simakadze uyabatsandza labalungile.

Isaya 42:16

Labatimphumphutse ngitabahola ngetindlela labangazange batati, ngibahole ngetindlela letingakavami. Bumnyama ngitabenta bube kukhanya embikwabo, ngente tindzawo letimagebhugebhu tibe ngematsafa. Leti tintfo lengitawutenta; ngingeke ngitiyekele.

Isaya 43:8

Letsani labo labanemehlo kodvwa babe batimphumphutse, labo labanetindlebe kodvwa babe batihhulu.

Jeremiya 31:8

Buka la, ngiyawubabuyisa besuka eveni lasenyakatfo, ngibagcogce emikhawulweni yonkhe yemhlaba. Emkhatsini wabo kuyawuba netimphumphutse kanye netinchute, bafati labakhulelwe kanye nalasebaphetfwe ngumhelo; kuyawubuya sicumbi lesikhulu.

Zefaniya 3:12

Kodvwa ngiyawushiya ekhatsi kuwe labamnene nalabatfobekile, labetsembele kulo libito laSimakadze.

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.

Matewu 21:14

Asesethempelini kwase kufika kuye timphumphutse netinchute, watiphilisa tonkhe.

Lukha 4:18

“UMoya weNkhosi ukimi, ngobe ungigcobile kutsi ngishumayele tindzaba letimnandzi etimphuyeni; ungitfumile kutsi ngimemetele inkhululeko kulabatfunjiwe, nekuvula emehlo etimphumphutseni, nekukhulula labacindzetelekile,

Lukha 7:21

Ngaso leso sikhatsi Jesu waphilisa labanyenti labebaphetfwe ngimikhuhlane, netifo, nemadimoni, wavula emehlo etimphumphutse letinyenti.

Lukha 7:23

Maye, ubusisiwe lowo longangabati ngami!”

Johane 1:46

Nathanayeli wambuta watsi: “Kungase kuvele yini lokuhle eNazaretha?” Filiphu wamphendvula watsi: “Kota utewutibonela.”

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Imisebenti yebaPhostoli 8:7

Bomoya lababi babephuma kubantfu bakhala kakhulu; bonkhe lababefe tinhlangotsi nalababechuta nabo baphiliswa.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?