Lukha 7:16 - Siswati 1996 Bible

¹⁶ Bonkhe bantfu bafikelwa kwesaba, badvumisa Nkulunkulu batsi: “Sifikelwe ngumphrofethi lomkhulu!” Baphindze batsi: “Nkulunkulu sewubahambele bantfu bakhe!”

Lukha 7:16 Referencias Cruzadas

Tihlabelelo 65:9

Unakekela umhlaba ngekuwupha inala, uwuvundzise kakhulu. Umfula waNkulunkulu ugcwele emanti. Bantfu ubapha emabele. Loku ukwenta kanje:

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Matewu 15:31

Ngako ticumbi tamangala natibona timungulu tikhuluma, tingini tiphelele, tinchute tihamba, netimphumphutse tibona; tase tidvumisa Nkulunkulu wema-Israyeli.

Matewu 21:11

Ticumbi taphendvula tatsi: “Lona nguJesu, umphrofethi waseNazaretha yaseGalile.”

Matewu 28:8

Base basheshe bayesuka ethuneni, ngobe babesaba, kantsi futsi babejabule kakhulu, bagijima bayawutjela bafundzi bakhe.

Matewu 9:8

Bantfu batsi kube bakubone loko, betfuka badvumisa Nkulunkulu lonika bantfu emandla lanjalo.

Lukha 1:65

Bonkhe bomakhelwane befikelwa kwesaba lokukhulu, yandza indzaba ngaloko lokwakwentekile kulo lonkhe live letintsaba laseJudiya.

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

Lukha 19:44

Tiyawukubhidlita uphele nya kanye nebantfu labangekhatsi kwakho; alikho nome linye litje leliyawusala ngetulu kwalelinye, ngobe awusicaphelisisanga sikhatsi Nkulunkulu lakuhambela ngaso.”

Lukha 2:20

Belusi babuyela emuva badvumisa babonga Nkulunkulu ngako konkhe lababekuvile nalababekubonile; kwakunjengobe ingilosi yayibatjelile.

Lukha 24:19

Wabuta watsi: “Tintfo tini?” Baphendvula batsi: “Loko lokwenteke ngaJesu waseNazaretha, labeyindvodza lengumphrofethi lonemandla ngetento nangemavi, embikwaNkulunkulu nebantfu bonkhe,

Lukha 5:26

Bonkhe bantfu bamangala ngekwesaba lokukhulu badvumisa Nkulunkulu batsi: “Maye, tsine sibone tintfo letimangalisako lamuhla lapha!”

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Lukha 7:15

Lelijaha lelalifile lavuka lahlala ngetibunu, lacala lakhuluma. Jesu wase ulinika unina.

Lukha 7:39

Nakabona loko lomFarisi lobekameme Jesu, watsi enhlitiyweni yakhe: “Kube lomuntfu ungumphrofethi ngempela, ngabe uyati kutsi ungubani lomfati lomtsintsako. Ngabe uyati kutsi uphila imphilo leyonakele kangakanani.”

Lukha 8:37

Sonkhe lesicumbi sebantfu baseGegesa samcela Jesu kutsi sale esuka kuleyo ndzawo, ngobe bonkhe befikelwa kwesaba lokukhulu. Ngako-ke Jesu wase ukhwela esikebheni, wahamba.

Lukha 9:19

Bafundzi bamphendvula batsi: “Labanye batsi unguJohane uMbhabhatisi, labanye batsi ungu-Elija, kantsi labanye batsi ungulomunye webaphrofethi basendvulo uvukile ekufeni.”

Johane 1:21

Bambuta batsi: “Pho, ungubani? Ungu-Elija yini?” Waphendvula watsi: “Cha, angisiye.” Bambuta batsi: “Ungumphrofethi yini?” Waphendvula watsi: “Cha.”

Johane 1:25

Bambuta-ke batsi: “Pho, ubhabhatiselani nangabe awusiye Khristu, nome Elija, nome umphrofethi?”

Johane 4:19

Umfati watsi: “Nkhosi, sengiyabona kutsi ungumphrofethi.

Johane 6:14

Kwatsi bantfu nababona lesibonakaliso lasenta Jesu, batsi: “Impela, lona ngumphrofethi labefanele kuta emhlabeni.”

Johane 9:17

Ngako baFarisi baphindza bayibuta lendvodza batsi: “Wena utsini ngaye, njengaloku avule emehlo akho nje?” Yona yaphendvula yatsi: “Ungumphrofethi.”

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.

Imisebenti yebaPhostoli 7:37

Nguye loMosi lowatsi kubantfu baka-Israyeli: ‘Nkulunkulu uyawunitfumelela umphrofethi, njengobe angitfuma nami, uyawuba ngumuntfu wesive sakini.’

KubaseGalathiya 1:24

bese badvumisa Nkulunkulu ngami.

Dutheronomi 18:15

Simakadze Nkulunkulu wenu uyawunivusela umphrofethi lonjengami emkhatsini wabomnakenu. Kufanele nimlalele.