Lukha 7:14 - Siswati 1996 Bible

¹⁴ Wahamba Jesu watsintsa loluhlaka lwalunalesidvumbu, bantfu lababelutfwele base bayema. Jesu watsi: “Ngitsi kuwe: Vuka, jaha!”

Lukha 7:14 Referencias Cruzadas

1 Emakhosi 17:21

Welulela imikhono yakhe etikwalomfana, kwaze kwaba katsatfu, solomane aphindza amemeta kuSimakadze, atsi: “Awu! Simakadze Nkulunkulu wami, buyisela umphefumulo walomfana kuye!”

1 Emakhosi 17:22

Simakadze wakuva kukhala kwa-Elija, umphefumulo wemfana wabuyela kuye, waphila.

Jobe 14:12

umuntfu ulala kanjalo-ke angabe asavuka, kuyawuze kwendlule emazulu; yebo, umuntfu angeke aphaphame, futsi ngeke avuke ekufeni kwakhe.

Jobe 14:14

Nangabe umuntfu afa, uyawuphindze aphile yini? Kuwo onkhe emalanga ekusebenta kwami kamatima ngiyakuma kuze kufike kuvuseleleka kwami.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Makho 5:41

Wafike wabamba lomntfwana ngesandla, watsi kuye: “Thalitha, khumi,” lokusho kutsi: “Ntfombatana, ngitsi kuwe: Vuka!”

Lukha 7:13

INkhosi yamdzabukela nayimbona lomfelokati yatsi kuye: “Ungakhali!”

Lukha 7:15

Lelijaha lelalifile lavuka lahlala ngetibunu, lacala lakhuluma. Jesu wase ulinika unina.

Lukha 7:17

Lendzaba ngaJesu yandza neliJudiya lonkhe kanye netigodzi letatakhelene nalo.

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Johane 5:25

Ngicinisile, ngicinisile, ngitsi kini: Sikhatsi siyeta, nanyalo sesifikile lapho labafile bayawuliva livi leNdvodzana yaNkulunkulu, nalabo labalivako bayawuphila.

KubaseRoma 4:17

njengobe kubhaliwe kutsi: “Ngikukhetsele kutsi ube nguyise wetive letinyenti.” Lesetsembiso wasemukela kuNkulunkulu labemetsemba; lowo-ke nguNkulunkulu lovusa labagfile baphile. Nguye lokhuluma bese kuba khona lokungazange sekube khona.

Kubase-Efesu 5:12

Kulihlazo lelikhulu ngisho nekukhuluma ngaleto tintfo labatenta emasitseleni.