Lukha 7:12 - Siswati 1996 Bible

¹² Nakefika esangweni lelidolobha, wahlangana nebantfu baya emngcwabeni. Lendvodzana lebeyifile beyiyemfelokati, futsi bekukuphela kwayo. Sicumbi sebantfu sasimsingatsile lomfelokati.

Lukha 7:12 Referencias Cruzadas

Genesisi 22:12

Yatsi: “Ungacali ubeke sandla kulomfana, futsi ungenti lutfo kuye; ngobe manje sengiyati kutsi uyamesaba Nkulunkulu, ngekutsi awukangigodleli indvodzana yakho lekukuphela kwayo.”

Genesisi 22:2

Nkulunkulu watsi: “Tsatsa Isaka, indvodzana yakho, leyodvwana naloyitsandzako, uye eveni laseMoriya, wente umhlatjelo ngayo entsabeni lengitakulayela yona.”

2 Samuweli 14:7

Manje lonkhe lusendvo seluvukele incekukati yakho, lutsi: ‘Letsa lona lowabulala umnakabo, kuze sitekumbulala ngenca yekubulala lomnakabo, ngekwenta njalo sitawube sesibulala lendlalifa.’ Ngalendlela batawube sebacisha lelo lahle belisasele livutsa, loko kwente indvodza yami ibete libito, iphindze ibete situkulwane emhlabeni.”

1 Emakhosi 17:12

Lomfelokati waphendvula watsi: “Ngifunga kuphila kwaSimakadze Nkulunkulu wakho, ngitsi: Ngite nasinye sinkhwa. Nginengcosana nje yafulaha esitjeni, nenseketse yemafutsa eludziweni. Bengisasabutela tinkhunyana nje lapha, kutsi ngiye ekhaya ngitiphekele mine kanye nendvodzana yami, kuze sidle, emvakwaloko bese siyafa.”

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 17:23

Elija wamtsatsa lomfana wehla naye ekamelweni lelisetulu, wammikisa endlini kabo, wafike wamnika unina, watsi kulonina: “Buka-ke, umfana wakho sewuyaphila.”

1 Emakhosi 17:9

“Hamba nyalo uye eSarefathi yaseSidoni uyewuhlala khona. Ngiyale umfelokati wakuleyo ndzawo kutsi akuphe kudla.”

2 Emakhosi 4:16

Elisha wakhuluma kulomfati, watsi: “Cishe ngalesikhatsi ngemnyaka lotako, utawube ugone indvodzana.” Lomfati wekhuta imihlolo, watsi: “Cha, nkhosi yami, incekukati yakho ungayiyengi, muntfu waNkulunkulu!”

2 Emakhosi 4:20

Satsi lesisebenti kube simetfwale, safike samnika unina. Lomfana wagona kunina kwaze kwaba ngusemini, wabe sewuyafa.

Jobe 29:13

Umuntfu abetsi nase afa angibusise, ngangitijabulisa tinhlitiyo tebafelokati, tihlabele.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Lukha 7:11

Emvakwaloko Jesu waya edolobheni lelalitsiwa yiNayini. Bafundzi bakhe nesicumbi sebantfu lesikhulu sasihamba naye.

Lukha 7:13

INkhosi yamdzabukela nayimbona lomfelokati yatsi kuye: “Ungakhali!”

Lukha 8:42

ngobe lesidzandzane sayo lekwakukuphela kwaso, sineminyaka leli-12, sasigulela kufa. Watsi Jesu asahamba, bantfu bamkaka ngala nangala.

Lukha 8:52

Bonkhe bantfu bebakhala badzindza sililo, kodvwa Jesu watsi: “Ningakhali, ngobe akafi, ulele nje.”

Johane 11:19

EmaJuda lamanyenti abesetile kutawulilela boMata naMariya ngalokufa kwemnakabo.

Imisebenti yebaPhostoli 9:39

Ngako Phetro watilungisela wahamba nabo. Nasafikile bamtsatsa bamyisa kulendlu leyayisesitezi. Bonkhe bafelokati bamsingatsa, bakhala bamkhombisa emahembe nemajazi labentiwe nguDokhasi asengakafi.

Imisebenti yebaPhostoli 9:41

Phetro wambamba ngesandla wamsukumisa. Wase ubita emakholwa nebafelokati, wabanika yena asaphilile.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.