Lukha 6:6 - Siswati 1996 Bible

⁶ Ngalelinye liSabatha Jesu wangena esinagogeni wafundzisa. Bekunendvodza leyayinesandla sangasekudla lesasishwaphene.

Lukha 6:6 Referencias Cruzadas

1 Emakhosi 13:4

Yatsi kube inkhosi, Jerobowamu, ive loko lokwakukhulunywa ngulomuntfu waNkulunkulu ngelilati lelalilapho eBetheli, yelula sandla sayo, yamkhomba, yatsi: “Mbambeni!” Kodvwa lomkhono leyayiwelulile ikhomba ngawo lomuntfu waNkulunkulu womelela, wangabe usagobana.

Zakhariya 11:17

“Maye kumelusi longasiti lutfo, loshiya umhlambi! Shangatsi inkemba ingashaya umkhono wakhe neliso lakhe langesekudla! Shangatsi umkhono wakhe ungashwaphana, neliso lakhe langesekudla livaleke ngci!”

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Lukha 13:10

Ngalelinye liSabatha Jesu abefundzisa esinagogeni.

Lukha 14:3

Jesu wakhuluma, wabuta tati temtsetfo nebaFarisi watsi: “Umtsetfo wetfu uyasivumela yini kutsi siphilise ngeliSabatha, nome cha?”

Lukha 4:16

Jesu waya eNazaretha lapho abekhulele khona, kwatsi ngeliSabatha waya esinagogeni njengaloku abevamisile. Wasukuma asatawufundza imiBhalo.

Lukha 4:31

Jesu wehlela eKhaphanawume, lidolobha laseGalile, lapho afundzisa khona ngemaSabatha.

Lukha 6:1

Jesu abehamba emasimini akolo ngeliSabatha. Bafundzi bakhe base bakha ematimba akolo, bawahlikihla ngetandla badla tinhlavu tawo.

Lukha 6:5

Jesu watsi kubo: “INdvodzana yeMuntfu iyiNkhosi yeliSabatha.”

Johane 5:3

Bekulele kuyo ticumbi tetigulane, timphumphutse, netinyonga, nalababefe tinhlangotsi, [bonkhe bebalindzele kutanyatanyiswa kwemanti.

Johane 9:16

Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.