Lukha 6:49 - Siswati 1996 Bible

⁴⁹ Kodvwa lona lova emavi ami angawenti, ufanana nemuntfu lowakha indlu yakhe esihlabatsini ngaphandle kwekubeka sisekelo. Yatsi nase ishaywa ngemanti netikhukhula, yasheshe yawa. Yeka kubhidlika kwayo kwaba kukhulu!”

Lukha 6:49 Referencias Cruzadas

Taga 28:18

Umuntfu lophila ngekwetsembeka uyawuphepha; kodvwa lophila imphilo legwegwile uyakuwa.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Hoseya 4:14

“Ngingeke ngiwajezise emadvodzakati enu nase angenela bugwadla, nabomalukatane benu ngingeke ngibajezise nase baphinga, ngobe ngiwo lamadvodza, ngisho labaphristi cobo lwabo, labesukelana naletingwababane, bente umhlatjelo netingwababane tasethempelini. Sive lesingenakucondza siyawubhubha!

Matewu 23:3

Ngako-ke kwenteni konkhe labanitjela kona nikugcine, kodvwa ningenti njengemisebenti yabo, ngobe bayakhuluma bangabe basenta.

Matewu 24:10

Labanyenti bayawuhlubuka, batsengisane bodvwana, batondzane.

Makho 4:17

kepha babe bate timphandze letishona ngalokwenele, balibamba kwesikhashana nje, batsi ngekuhlaselwa tilingo netinhlupheko ngenca yalo basheshe bahlubuke.

Lukha 12:47

“Sisebenti lesatiko kutsi inkhosi yaso ifuna senteni, kodvwa singatilungiseleli kutsi sente loko lokufunwa yinkhosi yaso, siyawujeziswa ngekushaywa kakhulu;

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Lukha 6:46

“Ningibitelani kutsi: ‘Nkhosi, Nkhosi,’ nibe ningenti lenginitjela kona?

Lukha 6:48

Ufanana nemuntfu lowakha indlu; wemba kwashona, wase wakha sisekelo edvwaleni. Emanti netikhukhula kwagcwala kwaphuphuma emfuleni, kwetama kuyikhukhula lendlu, kodvwa ayizange inyakate, ngobe yayakheke kahle la edvwaleni.

Lukha 7:1

Watsi nase akhulume konkhe loku kubantfu, wesuka waya eKhaphanawume.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Imisebenti yebaPhostoli 20:29

Ngiyati kutsi emvakwekuhamba kwami timphisi letesabekako tiyawufika emkhatsini wenu tihlasele tilimate umhlambi wetimvu.

Imisebenti yebaPhostoli 26:11

Ngadlanga ngekubajezisa emasinagogeni ngibacindzetela kutsi bakugceke kukholwa kwabo. Ngangibacansukela kakhulu kangangekutsi ngadzimate ngabalandzela nome sebabalekele kulamanye emadolobha langephandle.”

1 kubaseThesalonika 3:5

Ngako-ke ngitsite kube ngehluleke kubeketelela situnge ngani, ngase ngitfumela Thimothi, khona ngitekwati ngekukholwa kwenu. Bengesaba kutsi kungahle kube umlingi unilingile, kuze kutsi kusiphalata kwetfu kube lite.

2 yaPhetro 2:20

Ngobe nangabe kungcoliswa ngulomhlaba bakubalekele ngekwati iNkhosi lenguMsindzisi wetfu Jesu Khristu, baphindze behlulwa ngiko, sigcino sabo sibi kakhulu kunesicalo sabo.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.